"Mabilis na po siyang nakakadapa at gumagapang, Lola. At tama po talaga ang sinabi ninyo na malikot siya kapag lumaki. Dahil ngayon pa lang po ay napakalikot niya na. Kaya hindi ko na po siya itinatabi sa akin kapag ako ay natutulog. Baka po kasi mahulog siya sa kama ng hindi ko namamalayan. Napaka gutumin din po niya, Lola. Maya't- maya po ay dumedede." masaya kong mga kwento Kay Senyora Loreta.
Tuwang-tuwa naman ang mabait na Senyora habang navivideocall kami at pinapanood niya ang mga ginagawa ni Santino na nasa apat na buwan na at napakabilis ng gumapang.
"Ang likot-likot na nga ng baby na 'yan. Napaka gwapo na manang-mana sa Papa niya. Santino apo ko, si Mamita ito." Tawag ng Senyora sa apo niya. Tila nakakaintindi naman na tumingin sa screen ng cellphone si Santino. Pagkakita niya
