"Ma, bakit po hindi na kami pwedeng maglaro roon sa hacienda? Masarap po kasing mag habulan doon kasi po maluwag ang bakuran at lagi po kaming binibigyan ng meryenda ni Manang Puring." tanong ni Seb na nagkakadadahaba ang nguso.
Sinabihan ko kasi siyang huwag na nang magagawi sa hacienda para makaiwas kay Senyorito Simon. Mas masasaktan kasi ko sa isiping pwede silang magkita pero babalewalain lang sila ng kanilang sariling ama at isa pa ayoko na talagang silang magkakakilala.
"Baka kasi ayaw ng mga bata ng bagong nakabili ng hacienda. Hindi pa kasi natin alam kong ano ang ugali na meron siya. Baka ayaw niya ng maingay." Paliwanag ko na lamang habang pinipitas ko ang mga sariwang gulay na sitaw.
"Palagay po ninyo ay masungit ang bagong may-ari ng hacienda?" tanong ulit ni Seb na nakipi
