(Real happiness)
NAKANGITING pinatay ni Justice ang tawag. Kagat-labing humarap siya sa malaking salamin na nasa loob ng kanyang silid. Katatapos niya lang makausap si Liberty kaya naman hindi niya maiwasang mapangiti. Masyado na ba akong halata? Totoo naman kasi na-miss niya agad ang dalaga. Kung siya lang ang masusunod ay ayaw niya itong paalisin ngunit kailangan.
Nang hindi na niya matiis ang sarilli ay tinawagan niya ito upang marinig lang sana ang boses nito ngunit may kalokohang pumasok sa isipan niya. Halos hindi na niya makilala ang sarili dahil sa kung anu-ano na ang nasabi niya sa dalaga pero isa lang ang sigurado siya, totoong hinahanap-hanap niya ito.
Hindi nito alam na talagang magkikita silang dalawa. Ano kaya ang magiging reaksiyon nito? Ilang oras na lang ay kailangan
