"Ho? Ano hong katotohanan?" takang tanong niya.
"Ayaw ipaalam sa iyo ng mag-asawang Williams na nang isang araw pa umalis si Sir Travis," seryosong sabi nito.
"Umalis ho? Saan ho nagpunta?" kinakabahang tanong niya.
"Ang dinig ko ay mag-mamasteral sa ibang bansa."
Tila bomba naman iyon na sumabog sa pandinig niya. Hindi! Hindi pwede!
"Manong naman e, nanloloko lang kayo," mapait na ngiti niya.
"Sorry ineng, pero hindi kita niloloko. Sige na, umalis ka na dahil baka ako pa ang masisante ng mag-asawa kapag nalamang kinakausap kita." At mabilis na itong tumalikod sa kan'ya.
Nanghihina naman siyang napaupo. Pero mabilis siyang itinayo ng lalaking kasama niya. "Halika na, hindi makakabuti sa iyo ang ma-stress." At inakay na siya nito sa may sasakyan nito.
Halos matulala naman siya nang
