Naalimpungatan si Eillaine nang mag-vibrate ang kanyang cellphone, maingat siyang bumangon at kinuha iyon pagkatapos ay nilingon si Tan na mahimbing pa ring natutulog.
It was Thad, tinatanong kung nasaan siya at bakit ang kapatid pa nito ang kumuha ng mga damit niya sa bahay. Ang usapan nila kagabi ay siya ang kukuha ng mga damit niya ngunit dahil mas pinili niyang makasama muna si Tan ay inutusan niya si Ricar na palihim kunin ang mga damit niya sa kanilang bahay.
Mamaya na lang siya magpapaliwanag kapag nagkita na sila nito, ilang oras na lang naman at sisikat na ang araw, ayaw niyang sirain ang kaunting panahon nilang magkasama ni Tan bago niya iwan ulit ang binata.
Iwan ulit. Ilang beses niya na bang nagawa iyon sa binata? At ilang beses na din ba siyang hinabol nito at sinuyo?
Bum
