Gabi na ng makarating kami sa bahay ni Gavin. Sa ilang oras na byahe ay totoong nakaramdam ako ngayon ng pagod. Kahit ang anak ko ay mahimbing na natutulog ngayon. Sa kwarto, sa kama na ginamit ko rin noong gabing makita ako ni Gavin.
Sa totoo lang, awang-awa ako sa anak ko nang magising siya sa gitna ng aming byahe. Hinahanap nito si Matteo. Pero dahil wala akong maipakitang Matteo ay nagwala ito.
Sa ilang linggo nilang magkasama ay halos gabi na kung maghiwalay ang dalawa. Nasanay na ang anak ko kay Matteo, bagay na hindi ko naman ipinagkait sa kanilang dalawa. Hinayaan ko silang magkabuntot kung saan naroroon ang anak, naroon rin ang ama.
Pero kanina, ramdam na ramdam ko ang paghahanap ni Martina kay Matteo. Alam ng anak ko kung nasaan kami at kung saan kami nakasakay kanina. Ramdam
