Nagulat na lang ako sa sinabi ng anak ko. Hindi ko alam kung paniwalaan ko ba si Martina o hindi. Ngunit mas nakakagulat ang bigla na lang nitong pag-iyak.
Kahit naghahalo ang antok at hilo na aking nararamdaman ay mas gusto ko pa rin munang unahing aluhin ang anak ko. Hindi ko na pinansin ang basag na kung ano na tumutusok sa balat ko, sa bawat kilos ko sa kama. Pinilit kong makabangon para makaupo. Pero napabalik ako sa paghiga.
Naramdaman ko naman ang biglang pag-alalay sa akin ni Matteo. Gusto ko sanang tanggihan, kaya lang ay nasasaktan talaga ako sa natusok sa aking balat na basag na bagay. Nagpaubaya ako hanggang sa makaupo ako ng ayos.
Binuhat ko naman kaagad si Martina, at iniupo sa kandungan ko. Hindi ko na rin naman muna pinagtuunan si Matteo. Matapos niya akong matulungang m
