MABIBIGAT ang bawat hakbang ginagawa ng ama ni Axriel habang patungo ito sa opisina ng anak. Dumating sa kaniya ang balita na mas lalong lumaki ang problema na kanilang hinaharap. Samantala, ginagawa naman ni Axriel ang lahat upang masolusyonan ito hanggang sa may nalaman siya na siyang hindi niya inakala.
Nagkalat ang iba’t-ibang dokumento sa buong lamesa ni Axriel at nanatiling nakatayo naman sa labas ang sekretarya nito. Pinili ni Kiera na manatili roon upang agad niyang matugunan kung ano kailangan ni Axriel. Sa pamamagitan nito ay nagagawa niya ang kaniyang tungkulin na pagsilbihan ito.
Malayo pa lang ay tanaw na tanaw na nj Kiera ang ama ni Axriel kasama ang kapatid nito na si Mikael. Nahahalata niya na ibang-iba ang ekspresyong bumabalot sa buong pagkatao ng matanda kung ikukump
