KASALUKUYANG kumakain ng tanghalian si Yiesha kasama si Greige nang biglang mahagip ng kaniyang paningin si Niella. Hindi niya inakala na makikita niya ito rito. Gayunpaman, hindi naman pumupunta si Niella sa ganitong klaseng lugar. Subalit, ang isiping iyon ay iwinaglit niya dahil marahil ay marami na ang nangyari sa loob ng dalawang buwan na wala siya.
"May problema ba?" pagtatanong ni Greige nang mapansin niya na tila nakatingin sa malayo si Yiesha.
Ngumiti ng tipid si Yiesha sabay tingin sa kaibigan, "Wala. Ngayon ko lang kasi nakita si Niella na pumunta rito."
Sinundan naman ni Greige kung saan nakatingin si Yiesha. "Oo nga, no? Himala at nandito ang bruhang 'yan!" nanggigil niyang wika. Ibinalik niya naman kaagad ang kaniyang tingin sa pagkaing nasa harapan niya. "Ngayon lang si
