أنثى من عالم أخر (مكتملة) بقلمي آلاء محمود

الفصل الثاني

نيرة : ايه يا ملوكه

ملك : حب عمري عامله ايه اختك نيران رجعت !؟

نيره : اه يا حب رجعت امبارح

ملك بضحك : اوبا بقا يبقي حذر التجول بدا ونوم من الساعه ٨ ومتنسيش تغسلي رجلك وسنانك قبل ماتنامي

نيرة : خفه ..ايه يا بت برميل العسل اللي بينقط منك ده

ملك : طول عمري دمي خفيف .. تباً لتواضعي

نيره بضحك : لا هو مش تباً لتواضعك لا هو تباً لاشكالك يا اخرت صبري

ملك : بتردهالي يا صاحبي شكرا يا صحوبيه

نيره : ده انتي يا ملوكه صديقي الانتيم انتي والواد زين بس تحني عليه شويه

ملك : والله عارفه يا نيرو .. لما تحني انتي ع يوسف هبقا انا احن ع زين

نيره : فكك مني انا ومن يوسف والله الواد زين ليه الجنه

ملك : ليه الجنه ليه ان شاء الله .. ماتتلمي يا نيرو

نيره : خلاص يا عبدالعال اسفين يا ريس .. يلا انجزي بقا عشان هعدي عليكي عشان نروح الجامعه سوا

ملك : اشطا جدا مستنياكي بس استني مش انتي يابت اترفدتي من الجامعه

نيره : احم بلاش اترفدتي دي عشان بتجيب هسهس لنيران .. لا عقبال امالتك نيران رجعتني

ملك : اللهم اخت زي اختك .. هي مثال ان الست بميه راجل فعلا بعيدا ان حقيقي بخاف منها .. عليها بصت عين ببقا هعيط منها

نيره : ضحكت جامد واضح ان اختي مربيه الرعب لكله

____________________

نيران اول مادخلت الشركه كله اتنفض من مكانه من اول حرس الشركه لحد سكرتيره مكتبها

احد الموظفين 1: واحده ست بس ليها هيبة سبحان الله

احد الموظفين 2 : ده مافيش حد مابيحترمهاش ومبيخفش منها

احد الموظفين 3 : صدق اللي سمها التنين

احد الموظفين 4 : بطلوا رغي بقا عينيكوا هتجبها الارض ..ربنا يحفظها ويبارك ف عمرها لولها كانت الشركه والاسهم وقعت والشركه اتقفلت واتشردنا

____________

في مكتب نيران ...

نيران دخلت والسكرتيره وراها ع طول ..

نيران : عايزه ملفات مصنع الادويه والمياه والحديد

دنيا : دول كتير اوووي يا يانيران هانم

نيران : بصتلها بصه تخوف .. انا كلامي يتنفذ ١٥ دقيقه بظبط وتجبيلي الملفات دي

دنيا : خافت من نبره صوتها .. حاضر يا نيران هانم ع طول

نيران : وابعتيلي سليم

دنيا : حاضر

دنيا لما خرجت قبلت سليم

سليم بستغراب : مالك وشك اصفر كده ليه

دنيا : من نيران هانم .. انا بجد حاسه اني هموت من طريقتها دي ف يوم من الايام والله

سليم بضحك : يا شيخه يعني انتي بقالك معاها ٣ سنين لحد دلوقتي مش عارفه تاخدي عليها

دنيا : ماهي اصلا مبتكلمش مع حد مبتاخدش وتدي ف الكلام ابدا .. دي بصت عينيها ترعب والله

سليم بضحك : عالم جبانه اسمعي كلامها وبس هي مبتحبش غير يتنفذلها الاوامر وبس كده

دنيا : خبطت ع راسها يخرابي الملفات دي قالتلي ١٥ دقيقه وتبقي عندي وطلعت تجري ووقفت تاني ادخلها كانت عايزاك وطلعت تجري

سليم ضحك جامد ودخل مكتب نيران

سليم : يا لهووووي عليكي يا نيران هتفضلي لحد امتي مربيه الرعب للموظفين كده حرام عليكي

نيران : رفعت راسها من ع ملف كان قدامها .. سليم لازم اتعامل كده انا ف الشغل معنديش رحمه وانت عارف ده

سليم : انتي معندكيش رحمه ف اي حاجه مش ف الشغل بس تقريبا حد واحد بس اللي بتعامليه كويس هي نيره اختك غير كده انتي مبتشوفيش حد

نيران : نيره بنتي مش اختي وبطل رغي وقولي ع المناقصه ..

سليم : ماشي يا ستي .. المناقصه عمك سعد المنياوي نازلها يعتبر بتقله كله

نيران بخبث : حلو اوووي .. يبقا كده الشركه بتاعته هتقع

سليم : خلي بالك اللي نازلين المناقصه شُداد اوووي

نيران بغرور : سليم مافيش حد يقدر يقف قدام نيران المنياوي

سليم : عارف يا نيران دول افاعي خلي بالك برضو انتي اختي مش مجرد بنت عمتي بس ولازم اخاف عليكي

نيران بمكر : لو هما افاعي ف انا تنين يعني هحرقهم من غير مفكر حتي .. هما خايفين يا سليم وهتشوف ده عشان عارفين ان المناقصه دي ليا وبس

سليم : عمك سعد انا مش مطمنله ع فكره وصح انتي مبلغتيش عنه ليه وانتي ف لندن

نيران ضحكت جامد : عشان هخليه ع الرايق يا سليم

سليم : طول عمرك حليفه الشيطان ف الملاعب

نيران : عيب عليك ده انا نيران يعني اسم ع مسمي وامشي بقا عشان النار متولعش فيك

سليم بضحك : اسفين يا ريس انا هخلع انا بقا

نيران : تخلع ؟ انت ونيره بقيتوا بيئه كده ليه بجد

سليم بضحك : عشان انتي قافله ع نفسك بس اخرجي للواقع هتلاقي الدنيا حلوه اوووي وهتعجبك

نيران ابتسمت بخبث لفكره جت ف دماغها وقررت تنفذها .. طب اخلع انت بقا

سليم بضحك : وسقف بأيديه ايوه بقا يا نيران يا جامد

نيران بضحك : اطلع برا ياض سبني اشوف شغلي ..

__________________

ف بيت عم محمد ..

منار قاعده مع بنت خالتها سمر ..

سمر : بطلي تبقي مدلوقه يا منار

منار : بحبه يا سمر والله .. انا وعيت عليه

سمر : بس هو مش شايفك

منار : ياررب اهدي قلبه عليا وخليه يشوفني

سمر : انا هقوم امشي .. زمان الراجل قرب يجي من الشغل .. انا خايفه ربنا يزقني بعيل تأذيهولي

منار : ده ربنا ياخدها حماتك دي .. صح جوزك بطل يكلم البنات الزفت دي من ع الفيس ولالا

سمر بحزن : لا ياختي مبطلش .. لو كان عندي اب وام كانوا جبولي حقي

منار بصدمه : ده خاين .. نزوه هتجر نزوه هتجر نزوه حرام انتي بني ادمه وعندك مشاعر

سمر : حسبي الله ونعمه الوكيل ف حماتي هي السبب مقويه عليا .. ربنا يقعدهولها ف عفيتها وف بنتها

منار : طب اهدي يا سمر انتي جوزك اصلا زفت ع دماغه البسيلوا واتشيكيلو املي عنيه يا سمر وهو اكيد مش هيبص برا

منار : صنف الرجاله كله واحد يا اختي .. بيطلع ف الست مليون عيب وهو اللي مافيهوش غلطه وياحرام بيطلع نفسه الملاك البرىء اسكتي يا اختي اسكتي مترفعيش ضغطي انا همشي عشان الموبوءه حماتي عندي ف البيت وقولتلها اني هجيلك شويه واجي دلوقتي اكيد هتسمعني كلمتين سم

منار : ربنا يسرلك الحال يا سمر يارررب ويبعد حماتك عنك

سمر : ياررب يصبرني عليها

________________

ف الجامعه ..

نيره وملك قاعدين مع بعض ف الكافتريا

ملك : اووف يباااي اخير خلصنا مع الدكتور البارد ده

نيره : ده رغاي رغي بشكل ايه ده مبيفصلش

ملك : ده كل كلمه يرشقلنا حاجه من إنجازاته يخربيت فصلانه

نيره بضحك : طب انا بقا نفسي افهم هنكتب ايه ف امتحان بكره وانا بلح كده

ملك بضحك : مين نيران أخته هتعلقها زي الدبيحه عند الجزار لو شالت ماده

نيره : ض*بتها ف كتفها يا ساتر عليكي ربنا مايجيب شيلان ده هتعمل مني بوفتيك

ملك : انا والله لما بسمع سيره اختك بتلبش وكملت بضحك فاكره عملت ايه ف ناردين دي نفختها بمنفاخ عجل ياعيني

نيره : بس متفكرنيش بعيدا انها كانت تستاهل بس هي اللي قررت انها توقف قدام التنين اختي وكمان تعارضها

ملك : نيران مبطلعش نفسها غلطانه ابدا .. بتهزق اي حد اي ان كان سنه .. حقيقي تنين فعلا

نيره : ماتلحظي انك بتكلمي ع اختي بس انا مبشوفش كده منها ليه

ملك بضحك : يمكن عشان انتي طاهره ومبتعمليش حاجه غلط يا حبيبتي انتي بتنامي من الساعه ٨ جو الفراخ ده اللي انتي فيه ده مش هيخليكي تلحقي اصلا

نيره : باررررررررده

ملك : مش اكتر منك يا نيرو

وف اللحظه دي ملك لحظت زين

ملك بهمس : نيره انا همشي انا .. زين جي علينا ومشيت من غير ماتسمع رد نيره

زين بص ع ملك بحزن وبص لنيره

زين : مشيت عشان بتتهرب مني

نيره : زين يا صاحبي .. ملك مشوشه وانت جتلها ف وقت هي مشوشه فيه وانت عارف يبقا تهدا كده وخليك واثق ف ربنا اني اكيد مش هيضيع حبك ده ولو ف خير بينكوا ربنا هيكتبهولكو ولو مافيش خير ربنا هيرزقك باللي يستاهل حبك

زين بأبتسامه: انتي جدعه اووي اوووي بجد يا نيره

نيره : بتمسح ع كتفها مبحبش اتكلم عن نفسي كتير

زين : طب انا هقوم امشي عشان مرتكبش جريمه

نيره بضحك : ايه بهزر معاك يا رمضان مبتهزرش

زين : بهزر يا اختي

__________________

داخل شركه هندسه ..

وليد : وبكده نبقا عاطلين يا صاحبي ومحلتناش شعل الهي ربنا يولع فيهم

ادهم : حسبي الله ونعم الوكيل .. الحمدلله قدر الله وماشاء فعل ربنا يكتبلنا الخير ف حتي تانيه

وليد : ايه يا بني الهدوء ده

ادهم : يعني اعمل ايه يا وليد .. ناس مبتتقيش الله ومشونا من الشغل فكرك اني احنا هنتحايل عليهم ونقلهم لو سمحتوا متمشوناش

وليد : انا مكنتش متخيل انهم يستغنوا عن ناس اقدميه ف الشركه اصلا يلا بينا نمشي .. انت هتعمل ايه

ادهم : ربنا يكرمنا ونلاقي شغل تاني بكره ننزل ندور

وليد : ماشي ننزل مع بعض وربنا يقدملنا اللي فيه الخير

______________

ف عربيه نيران ..

نيران : عم محمد

محمد : نعم يا نيران هانم

نيران : هو انت ساكن فين

محمد : ف حته شعبيه اسمها امبابه لو تسمعي عنها خير يا ست هانم

نيران بهدوء : عم محمد انا عايزه انزل امبابه ممكن

محمد بصدمه : نعم