أنثى من عالم أخر (مكتملة) بقلمي آلاء محمود

الفصل الثالث

ف بيت ادهم ..

هدي : مالك يا بني مهموم ليه

ادهم : عشان خلاص يا أمي اترفضت من الشغل

هدي : عادي يابني انت مهندس شاطر قد الدنيا وبأذن الله ربنا يكتبلك الخير ف حته تستاهلك وتقدر شغلك وبأذن الله هتلاقيه قوم يا بني غير هدومك وصلي فروضك وادعي ربنا وبأذن الله هيستجيب

ادهم : حاضر يا امي

بعد ماادهم مشي

هدي : ربنا يريح بالك يا ادهم يا ابني ويرزقك بشغلانه كويسه يا ادهم يا ابن بطني ياررب وبنت الحلال

___________

ف عربيه نيران ..

نيران : عم محمد

محمد : نعم يا نيران هانم

نيران : هو انت ساكن فين

محمد : ف حته شعبيه اسمها امبابه لو تسمعي عنها خير يا ست هانم ف حاجه ولا ايه

نيران بهدوء : عم محمد انا عايزه انزل امبابه دي ممكن

محمد بصدمه : نعم

نيران : نعم الله عليك يا عم محمد

محمد : بس يعني حته شعبيه زي امبابه مش هتليق بمقامك

نيران : عادي يا عم محمد انا عايزه انزل عادي وهنزل كمان ع ان قريبتك وجايه تزورك وانت لففني شويه ف امبابه ها هاينفع ولالا .. وياسلام بقا لو جبتلي شقه ف امبابه

محمد حاسس ان ل**نه اتلجم من الصدمه

نيران بستغراب : عم محمد انت كويس

محمد : شقه ايه بس .. انتي نوريني واشيلك من ع الارض شيل بس تسكني ف امبابه ازاي ده حتي ماينفعش ومش هتعرفي تتعايشي

نيران : بوجع بس حاولت مايبنش عليها متهياقلك يا عم محمد .. ممكن نيره لكن انا لا

محمد : طب سبيني ادور وربنا يستر ان شاء الله

نيران : عم محمد انا حقيقي محتاجه اشوف الناس عايشه ازاي ف الحتت دي بيتصرفوا ازاي كده يعني فاهمني

محمد : عادي يا نيران هانم انا ممكن احكيلك مش مستاهله تنزلي يعني

نيران : لا يا عم محمد انا عايزه اشوف بعيني

محمد : لمؤاخذه يعني يا ست هانم ف السؤال هو ليه عايزه تنزلي امبابه

نيران : هساعدهم يا عم محمد باللي اقدر عليه

محمد بصدمه : تساعديهم

نيران : عم محمد هو انت مصدوم مني كده ليه .. وفيها ايه لما اساعدهم عادي

محمد : مش قصدي والله بس مستغرب

نيران : وغير يا عم محمد عايزاك تتعود تندهلي بنيران بس مش ست هانم تمام

محمد : حاضر يا ست وسكت

نيران : ها قولنا ايه بلاش ست هانم دي .. نيران بس ها نيران بس

_______________________

ف بيت المنياوي

اوضه نيره ...

نيره : ايه يا اخرت صبري

ملك : بقولك ايه ماتيجي نسهر النهارده بره

نيره : انتي اتجننتي لا طبعا دي نيران تموتني

ملك : طب هنعمل ايه انا نفسي اخرج

نيره : طب ماتيجي تقعدي معايا ف البيت

ملك : ياراجل وكده يبقا خرجت يعني ايه يابت التفكير العبقري للقضاء ع الزهق ده .. ايه ده نسمه بتتصل استني ادخلها معانا ف مكالمه جماعيه

نيره : ايه ده بجد اشطا دخليها

نسمه : بنوتاتي حبايب قلبي

نيره : نسمه حبيبتي

نسمه : بصوا بقا يا جماعه عيد ميلادي النهارده وهتيجو يعني هتيجو وع العموم ده هيبقا احنا بس عشان انتوا واحشني اوووي

ملك : يا ف*ج الله اخيرا هخرج

نيره : كل سنه وانتي طيبه يا بيبي هيكون فين

نسمه : وانتي طيبه يا بيبي هيكون ف ديسكو ***

نيره بصدمه : ديسكو !

ملك : لا بقولك يا نيرو ديسكو ديسكو عادي وهنرجع طول

نيره : هقول ايه طيب لنيران

نسمه : عادي قوليلها اني حافله ف نادي **

نيره : انا متعاودتش اكذب عليها ابدا

ملك : بت يا نسمه انتي صاحبه سوء فعلا

نسمه : لا هي مافيهاش كذب يا بنتي ماهي كلها حفلات

ملك : لا انتي كده الشيطان بيصقفلك خلاص

نيرو : طيب اناهتصرف هنزل اقولها

_______________

نزلت لقت نيران قاعده ف الريسبشن

نيره : نيران ازيك جيتي امتي ؟

نيران بأبتسامه ،: كويسه حبيبتي .. لسه جايه .. ف حاجه ولا ايه

نيره : اصل النهارده عيد ميلاد نسمه صاحبتي وانا وملك عايزين نروح ممكن

نيران : ماشي يا نيره بس ماتتأخريش تمام .. واه صح بكره انتي وملك هتنزلكوا تدريب ف الشركه انا محتجاكوا الفتره الجايه

نيره بفرحه : بجد تمام جدا انا هطلع اقول لملك بقا وطلعت تجري

نيران : ض*بت كف ع كف مجنونه

______________

ملك : قوليلي انها وافقت

نيره : وافقت بس ف خبر تاني حلو بصي يا ستي قالتلي اني احنا هننزل تدريب من بكره ف الشركه

ملك بفرحه : بجد لا بتهزري

نيره : والله العظيم قالتلي كده يلا بقا روحي البسي وانا كمان هلبس

ملك : الله بقا ع الاخبار الحلوه اشطا جدا هدخل اهو البس

______________

ف احد الديسكوهات البنات بتغني ..

نسمه : عايشه براحتي ماشيه بمزاجي بشوف مصلحتي اقضي احتياجي

ملك : بروح وباجي وبعمل كل اللي ف دماغي وقتي ..

نسمه : بسافر اي وقت برجع بليل براحتي ..

ملك : احلي عيد ميلاد ده ولا ايه

نسمه : عيب عليكي يا ملوكه ده عيدميلادي برضو متفرفشي كده يا نيرو

ملك : سبيها هي خايفه من نيران مقلقه انها تعرف انهاف ديسكو

نسمه : طب هي هتعرف منين مش قايللها اني ف النادي زي ماقولتلك

ملك : يا بنتي نيران بتعرف دبه النمله

نسمه : نفسي ف يوم ابقا زيها وبشخصيتها الكلام اللي بيتنشر عنها ف الجرايد والسوشيال ميديا بيبهرني واووو بجد عليها

ملك : يابنتي نيران مش بعيد تلاقيها بتقتحم علينا المكان هنا

نيره : بس بقا انا هموت من الرعب اصلا

نسمه : نيران انتي جود جيرل اوووي يا بيبي

نيره : انا همشي بقا كفايه كده انا اتأخرت

ملك ونسمه بصوا لبعض

ملك : عارفه اني نيره بتخاف من نيران جدا ف نفذت كلامها .. طب يلا يا جماعه وغير كمان احنا اصلا عندنا تدريب ف شركه المنياوي بجلاله قدرها بكره اللي هو ربنا يستر بقا يلا بقا عشان نيران متعلقناش بكره ع باب الشركه انجزوا

نسمه : واو بجد نايس ربنا معاكوا اشطا استني اجيب حاجتي

ملك : اشطا

نسمه : يلا يا جماعه عشان نيران منلقهاش طبت علينا

ملك : يلا يانيره نمشي عشان اسم اختك لما بيجي قدامي بتلبش

نسمه بضحك : نيرراااااااان

ملك : اوووه

بسمه : نيران نيران بصراحه هي اسم ع مسمي نيران وهي نار فعلا

نيره : طب بسرعه بقا ياحلوه منك ليها قبل ما النار تمسك فينا .. معنديش استعداد اتخانق معاها

________________

قدام بيت المنياوي ...

نيره نزلت من العربيه

نيره : جماعه تبقوا اطمنوا عليا شفوني عايشه ولا ميته

نسمه وملك ضحكوا عليها جامد

نيره : ضحكتكوا اوووي ياررب يجيلكوا تسلخات يا بعيده منك ليها

ملك بضحك : هنبقا نجيب كيناكومب

نيره : طب غوروا غورا تاخدكوا .. استعنا ع الشقي بالله

نسمه بضحك : تبقي طمنينا عليكي يا هدهد الجناين

ملك ضحكت جامد

نيره بغضب طفولي وبقت تخبط ف الارض مستفززززززين

نيره قلعت جزمتها الكعب و داخله بتسحب

نيران بهدوء مريب: مبادري

نيره بخوف: نيران

نيران : كل ده ف العيد ميلاد

نيره بخوف : اه هو الوقت سرقنا بس

نيران بتحذير: مافيش بنت محترمه بتفضل برا البيت لحد دلوقتي لو اتكرر تاني هتشوفي وش عمرك ماشوفتيه ف حياتك يا نيره مفهوم

نيره بخوف : حاضر .. ممكن اطلع ع اوضتي

نيران : اتفضلي وخليكي فاكره تحذيري .. انا مبديش فرصه مرتين ماشي يا نيره ويلا اتفضلي روحي نامي عشان تبقي صاحيه فايقه

نيره بخوف : ماشي وجريت ع اوضتها من الخوف

___________________

ع القهوه ف امبابه ..

عم محمد : مالك يا ابني

ادهم : خلاص رفضونا من الشغل

عم محمد : قدر الله وماشاء فعل يا بني

ادهم : سبحان الله الناس الاغنياء دول لما بيمسكوا منصب بيبقوا اعوذ بالله

عم محمد : مش كلهم يا بني بص قدر الله وماشاء فعل انت مالكش نصيب ف المكان خلاص ان شاء الله ربنا يعوضك بشغلانه تستاهلك

ادهم : ياررب ياعم محمد .. انا اصلا قررت اني أجر الشقه بتاعتي بكره بأذن الله اعرضها للايجار تسند شويه لحد ملاقي شغل

عم محمد : انتبه لكلام ادهم .. تأجرها .. مش هي الشقه اللي معانا ف البيت اللي عملها عشان تجوز فيها .. وافتكر نيران ..

ادهم بضحك : يعني انا عندي غيرها يا عم محمد

عم محمد : بس يا ابني دي جديده

ادهم : عارف بس حاجه تسند يا عم محمد

عم محمد : طب بص انا عندي اللي يأجر

ادهم : بجد الحمدلله بالسرعه دي

عم محمد لنفسه : اسغفر اللعظيم ع اللي انا هقوله .. بص بنت اختي هتيجي تعيش فيها اصل هي م**مه انها متقلش عليا وهي دماغها ناشفه فالحمدلله انك قولتلي عشان ابقا اقولها .. بس قولي عايز فيها كام ؟

ادهم بفرحه : مش هنختلف يا عم محمد وكويس اللي هتقعد ف البيت قريبتك يبقا اكيد هتحافظ ع الشقه اهم حاجه ان الحمد لله اني اخيرا لقيت مستأجر

عم محمد : انت ابن حلال يا ابني ربنا يوقفلك ولاد الحلال

ادهم : ياررب يا عم محمد ياررب

_______________

ف قصر ضخم

سعد بشر وغضب وزعيق : اه يا بنت ال ** يا نيران .. انا تدخلي معايا راس براس اما وريتك

مبقاش انا

صبري : اهدي يا باشا .. دي مهما كان ست وليها اكيد نقطه ضعف

سعد : دي ليها نقطه ضعف ! .. استحاله دي قطه بسبع ترواح لازم اخلص منها ف اسرع وقت ممكن ..

صبري : اهدي بس كده وقولي عايزني اعمل ايه يا باشا وانا اعملهولك

سعد : فكر ف فكره وابتسم بشر ولنفسه اما لفيفتك يا بنت سميره حوالين نفسك مبقاش انا سعد المنياوي وضحك ضحكه شيطانيه