Labing limang minuto pa ang naging paghihintay ko bago ako tuluyang makasakay ng taxi. Ang mainit kong pakiramdam sa balat ay unti-unting naibsan dahil sa aircon nitong taxi na sinasakyan ko ngayon. Nakakaramdam na rin ako ng ginhawa kaya naman marahan na rin akong napasandal sa lean nitong inuupuan ko. Ang sabi ko sa driver kanina ay dalhin nalang ako sa bayan, naisip ko rin na roon nalang kumain ng tanghalian, 'yun nga lang ay hindi ko alam kung gaano ba katagal bago kami tuluyang makarating doon dahil natutulog ako no'ng mga oras na bumibyahe kami papunta roon sa MC Medical Center.
Ilang segundo pa ay halos mapangiwi ako no'ng marinig ko ang tuloy-tuloy na pagkulo ng tiyan ko. Hindi na ito gaanong mahapdi, 'yun nga lang ay hindi pa rin talaga ito tumitigil sa pagkulo. Hindi ko nalang m
