"Ma'am gumising na ho kayo, nandito na po tayo sa harapan ng MC Medical Center." Wala sa oras na naimulat ko ang mga mata ko no'ng marinig ko ang boses ni manong driver. Pakurap-kurap pa ang mga mata ko no'ng mapatingin ako sa kanya, mukha namang kanina pa ako nito tinitignan sa rear-view mirror nitong sasakyan, kaya naman nasalubong ko kaagad ang mga tingin nito sa akin.
Ilang segundo lang ay nag-iwas na rin kaagad ako ng tingin sa kanya para ibaling naman sa paligid sa labas, at tulad nga ng sinabi ni manong driver ay nakatigil kami ngayon sa harapan ng isang hospital. Halos kasing laki lang nito iyong MC Doctor's Hospital na nauna kong pinuntahan kanina.
"Manong, pwede bang hintayin niyo ulit ako rito? Sandali lang ako," pagkasabi ko no'n ay kaagad naman ako nitong tinignan ulit sa pa
