MARIA DIANE COLE
MADILIM. Napakaingay. Maraming tao ngayon sa club dahil araw ng linggo. At kapag ganitong araw, dinadayo talaga ang lugar na ito. Nakatingin naman ako sa entablado. May mga babaeng nakahubad at sumasayaw para akitin ang mga nanunuod.
“Drinks?” Alok naman ng lalaking nasa tabi ko.
Nginitian ko ito at sabay yaas ng baso ko na may laman pa itong alak. “No, thanks,” sabay sabi ko naman at tumayo. Habang naglalakad papuntang entablado, malikot ang aking mga mata na nakamasid sa paligid. Tumigil naman ako sa isang lamesa, kung saan maraming lalaking nag-uumpukan. Halatang may tama na rin ang mga ito.
“Miss.” Kinulbit naman ako ng lalaki habang inaabot sa akin ang isang boteng beer.
Walang sabi-sabing kinuha ko naman ito at diretsong nilagok ito. Nakatingin naman ang mga it
