Dumating ang araw ng live show kung saan ay mas naging maganda ang kinalabasan ng aming performance. Isang malakas na palakpakan ang sumalubong sa amin matapos naming makapag-perform. At kasabay nang nagkikislapang flash ng mga camera ay suot-suot ko ang mamahaling costume na pinasadya pa ni Mommy sa isang patahian.
"Damzel, may hindi pa pala ako nasasabi sa'yo.." ani Allen nang matapos ang performance. Nasa backstage na kami kaya nagagawa na ulit naming makapag-usap, hindi kagaya kanina na focus talaga kami sa performance. Kitang-kita ko ang paghabol niya ng hininga dahil sa pagod pero nagagawang lamangan iyon ng angking kaguwapuhan niya. Sandaling napataas ang kilay ko habang hindi napapawi ang ngiti niya sa labi. "You look perfect today," walang pag-aalinlangang aniya. Napahakipkip ako
