HINDI MAITAGO ang aking ngiti nang pasimple akong sumilip sa classroom ni Allen mula sa Sophomore building. Nadatnan ko siyang nakikipag-usap sa isa niyang kaklase kung saan ay kalahating bahagi lang ng kaniyang mukha ang nakikita ko dahil nakaharap ito sa kausap. Kaya para mapansin ako ng kaniyang kaklase ay pasimple akong kumaway at nang makuha ko ang tingin ay sinenyasan ko na tawagin si Allen. Agad namang napalingon si Allen sa direksyon ko at nagmadaling lumapit sa akin.
"O, may klase ka ngayon, 'di ba?" pagtatakang wika niya habang pinaglalaruan ang bracelet niyang may disenyong itim na krus.
"May meeting daw ang lahat ng teachers, e," kaswal kong sagot.
"We? Kanino mo naman nalaman 'yan?"
"Sa class president. Siguro naman ay alam din 'yon ng class president ni'yo, 'no! At saka,
