Araw ng Linggo at kagaya nang ipinangako ni Dad sa akin ay namasyal kaming tatlo sa isang art museum. Napahanga ako sa iba't-ibang likha ng magagaling na artist sa likod ng mga painting na naroon. Ang iba'y nagawa ko pang kuhanan at i-post sa i********:. Tunay nga'ng likas na sa Pilipino ang pagiging talentado, nawa'y sa susunod pang mga henerasyon ay tangkilikin pa rin ng mga Pilipino ang mga obrang ito.
"Damzel, my princess, gusto mo bang kuhanan kita riyan?" tanong sa akin ni Dad nang makita niya akong nakatitig sa painting. Hindi kasi talaga ako makaalis ng tingin dahil sa sobrang ganda nito. Tila nagagalak ang puso ko sa saya habang pinagmamasdan ko iyon. Pakiramdam ko ay buhay na buhay ang painting na iyon dahil napaka-realistic. Isang bahay kubo na pinaliligiran ng ilog at mga hala
