الاحساس بالثقه

1384 Words

المجهول حفيدي الجزء الثالث الاحساس بالثقه مهما كنت ذكي وعلي درايه كامله بكل الي بيحصل حواليك وكنت متمكن اوي من اختيارات بينقصك الثقه .. الثقه بالنفس الي هتعملك برستيجك وهيبتك قدام الجميع لان الذكاء مش كفايه والشخصيه مش كفايه وواثق الخطي بيكون بين الجميع ملك متوج علي قلوبهم لان الثقه بالنفس دافع وغريزه قويه انك تكون انت ومتكنش غير نفسك بتقرب منك ناس كتير وبتبعد عنك كل شرير وبتخليك عايش طول حياتك امير ومحدش يقدر يحط عينه في عنيك لو كان غلط والثقه شيء مهم في اي علاقه وتحت اي مسمي خصوصا الحب لانك لو حد وثق فيك هيحبك والثقه لازم ولابد تكون متبادله بمعني انك لو وثقت في حد الثقه العمياء عمرك ما هتخاف منه لو قلك اطلع ارمي نفسك من الدور العاشر هتطلع وانت متاكد انه مش هيحصل ليك اي اذي او ضرر وده المفهوم الحقيقي للثقه والثقه الزايده عن حدها بدايه للغرور والنرجسيه وزي ما هي مفيده لصاحبه بضره في نفس الوقت فخليك واثق من نفسك لابعد الحدود لان ثقتك في نفسك دليل علي عظمتك وكبريائك......... ساجد ايوه يابابا وحشتني اوي اوي واشتقتلك انت واختي سجي هتجنن واشوفك يابابا والله مشتقلكم كتير اوي فوق ما تتخيلوا... واحنا كمان والله يابني مشتاقين ليك اكتر منك احنا من غيرك ناقصنا حاجات كتير مكنش عارف ان بعدك هيفرق معايه بالشكل ده ومكنتش عارف انك راجل بجد احكيلي وقلي عملت ايه شفت جدك لسه شباب ولا عجز وجدتك عامله ايه واخبارها ايه لسه فكراني وعمتك تسنيم وعمك راشد احكيلي يابني وطمني استقبلوك ازاي لما عرفوا انك ابني وردت فعل جدك كانت ايه خدك في حضنه ولا مرديش لانه زعلان مني مسالكش عني قولي يابني وعرفني الله يخليك انا مشتاق اعرف عنك كل حاجه يابني ومشتاق ومنتظر اسمع منك ..... كلهم بخير يابابا متقلش جدي لسه جامد وشامخ زي الجبال اه هو كبر في السن والشيب بان عليه بس لسه بيرعب الكل والكبير قبل الصغير وكلمته ماشيه علي الجميع بدون استثناء وجدتي بخير وزي الفل اطيب قلب واحن انسانه في الوجود وعمتي تسنيم اتجوزت وعندها بنت اسمها لبني بنت زي العسل كده وقموره وعمي عنده شركه كبيره بس مختلف هو وجدي والاوضاع كلها زي الفل ...... طيب مقلتليش جدك عمل ايه لما شافك وعرف انك ابني وانك حفيده للاسف معرفش يابابا اني حفيدك ولا في حد عرف الموضوع ده نهائي انت بتقول ايه يعني انت مدخلت بيت جدك بتراقبهم من بعيد ولا ايه لا يابابا انا عايش في بيت جدي بس كضيف ومحدش يعرف انا مين علي الاطلاق لان زي ما حضرتك قلت النفوس مش صافيه خالص وجدي لسه زعلان حتي صورتك متعلقه في البيت وعليها شريطه سودا ولما سالت مين ده قالوا انك ابن الحاج بس اتوفيت ومت من زمان فمقدرتش اقول اني ابنك لاني مش عارف رد الفعل فقررت اني ادخل وسطهم الاول واحببهم فيا وبعدها اقلهم انا مين يابابا لازم نتحمل عشان نقدر نوصل للي احنا عاوزينه ..... ربنا يوفقك يابني خد بالك من نفسك ومن حياتك وكل كويس وانا متاكد انك هتوصل وهتعمل حاجه .... ان شاء الله هستاذن انا بقا عشان جدي بينده عليا ومش عاوزه ياخد باله يابابا كان نفسي اقلك سلملي عليه يابني وبوسلي ايده ورجليه بس مش قادر... باذن الله قريب جدا انت الي هتسلم عليه بنفسك وتبوس ايده ورجليه وتاخده في حضنك يابابا......... ياساجد ياساجد ...... سلام بقا يابابا جدي بينده عليا سلام هكلمك وقت تاني سلام........ ايه ياساجد بنادي عليك من بدري مش بترد ليه ... لا مافيش ياحاج مناع كنت بكلم بابا معلش وانشغلت معاه شويه لانه كان وحشني وبقالي فتره مكلمتهمش .... عشان كده عينك مليانه بالدموع ..... ايوه ياحاج مناع.... انت ابوك بيشتغل ايه...... ابويه دكتور كبير ومشهور عايش في امريكا وانت كنت معاه ومولود هناك ولما جيت مصر سمعت عنك وحبيت اتعلم منك كل حاجه تخليني راجل.... انت مش محتاج تتعلم مني لانك فعلا راجل من ظهر راجل والي رباك كان راجل بجد علمك الادب والاخلاق وانك تكون جدع الله يصلح حال الي رباك ..... تسلم ياحاج مناع ها قلي هنروح فين النهارده انا عندي قعده عرفيه بين عيلتين بينهم مشاكل وطار ولازم نحل الموضوع ده حابب تيجي معايه ولا تستني هنا ..... الا حابب اكيد طبعا اي مكان تكون فيه انا يشرفني اكون فيه واكيد حابب اشوفك وانت بتحكم بين الناس بالعدل ..... لا يابني انا مبحكمش بالعدل لان العدل هو الله انا بنفذ العدل وبحكم بالفضل .... مش فاهم النقطه دي ياحاج مناع فهمهالي اذا سمحت.... عمرك ما هتعرف تنفذ العدل بين الناس بس ممكن حد يتكرم ويسيب حقه للتاني عشان الصلح يتم وده بيبقا حكم بفضله وليس بالعدل .... الله علي حكمك ياحاج مناع فعلا انت انسان حكيم جدا وكلامك كله عبر وفعلا تستاهل انك تكون كبير البلد كله بلد ايه المحافظه كلها يابخت احفادك بيك وولادك .... هما فين احفادي وفين ولادي يابني واحد مات من زمان والتاني زي منت شايف داير علي حل شعره ولسه متجوزش ومعنديش احفاد غير لبني وبس ..... والي مات ده ياحاج مناع مات ازاي وكان شغال ايه ..... ساجد مات وخلاص وبلاش تتكلم في الموضوع ده معايه تاني انت فاهم كلامي.... انا اسف مكنتش اعرف انك مبتحبش تتكلم عن ابنك الي مات سامحني .... مافيش حاجه خلاص ان كنت ناوي تروح معايا البس جلابيتك ويالا انا منتظرك تحت في الكاريته .... دقيقه واحده واكون جاهز هو مينفعش اروح باللبس ده لازم الجلابيه اللبس ده مش لبسنا ياولدي احنا زينا الرسمي الحلابيه والعمه دي ده تراثنا ومن فات قديمه تاه انا تحت متتاخرش حاضر وبعد ثلاث دقائق نزل ساجد عشان يروح مع الحاج مناع قعدت الصلح وهما في طريقهم مروا علي المستشفي الي كان بناها الحاج مناع لابنه وسابها وسافر وكانت حليتها لا تسر عدو ولا حبيب الزباله بتترمي جنبها والجدران متاكله ومتهالكه مكان عمره خمسه وعشرين سنه محدش دخله بص الحاج مناع عليه والدمعه كانت هتنزل من عنيه لاحظ ساجد الحكايه دي ولسه هيكلمه لقي الحاج مناع وقف العربيه ونزل ناحيه المبني ومعاه عصايته في ايديه لقي مجموعه من الشباب قاعدين هناك داخل المستشفي وبيلعبوا قمار وبيشربوا م**رات دخل عليهم وقال... بتعملوا ايه هنا ياولاد الكلاب بتشربوا م**رات وبتلغبوا قمار في المستشفي والله لاعلمكم الادب انا هوريكم وجري وراهم بالعصايه والي كان بيطوله بيض*به بالعصايا علي جسمه ورجع تاني وركب الكارته وهنا ساجد ساله..... الا هو ايه المبني ده ياحاج مناع ..... ده كان حلم يابني بس متكملش ولا هيكمل دي كانت مستشفي بينتها لاهل البلد عشان يتعالجوا بالمجان بدل ما يروحوا للمركز او للبندر بس مكملتش يابني لان صاحبها مات الدكتور الي كان هبمسكها مات ومن يومها وهي مقفوله ...... مات قبل ما تشتغل..... مات يوم الافتتاح بتاعها مات عشان محققش حلمي مات عشان عصاني مات عشان يشوف مستقبله بعيد عني مات وموتني معاه اوعك تفتكر اني عايش انا جسد بلا روح بس الحمد لله صلب ومتماسك وقوي ......... بقلك يالا وصلنا انزل معايه واقعد جنبي ومتتكلمش....... سلام عليكم يارجاله وعليكم السلام ياحاج مناع اتفضلوا هنا اتفضلوا ها قوليلي اي المشكله الي بينكم وفين طرفين الخلاف الطرفين ياحاج عيله نصار وعليه الصوامعه طيب كبرات كل عيله يجي هنا ويتفضل يحكي الموضوع ونبدء بكبير الصوامعه الي هما الي طلبوا القعده اتفضل ياحاج حسان..... ياحاج مناع محمود ولد عمي عنده خمس فدادين شرقي البلد وهو زي منت عارف مسافر خارج مصر ومحدش بيرعي الارض دي غيرنا احنا لان زي منت عارف دي ورثه من ابوه محمود قرر انه يبيع الارض دي لانها مش لزماه فجالوا ولاد نصار عشان يشتروها وخطوا فيها سعر عالي جداا والارض تلزمنا احنا لاننا اهله وناسه والمبلغ الي احنا حطناه لمحمود نص المبلغ الي حطه ولاد نصار وهو السعر الحقيقي للارض لكن ولاد نصار حطوا ضعف الثمن عشان ياخدوا الارض وده كلامي..... اتفضل ياعبدالحميد يانصار اتكلم .... ياحاج مناع الارض عجباني وعاوز اشتريها ودفعت فيها المبلغ النا شايفه مناسب ليها وانا راجل تاجر وفلوسي حاضره وقرشي صياد وانا مش غلطان انا بدفع فلوس وباخد ارض واظن ان التجاره مش عيب ولاد الصوامعه مش عوزني اشتري وعملوا مشاكل معايه ...... الارض دي بين ارضكم ياحسان .... ايوه ياحاح كل المنطقه اراضي الصوامعه .... اقرب جار ليها مين ياحسان ..... انا ياحضره العمده حدود ارضي من الشرق هي وحدود ارض اخويا من الغرب ... ولاد نصار ملهمش ارض في المكان ده .... ايوه ياعمده ملناش هناك اي ارض.... المبلغ الي حطوها ولاد نصار كفايه ومرضي لابن عمكم عشان البيع لانهم حطوا اضعاف المبلغ بتاغكم وعشان كده انا حكمت بان الارض ليك ياحسان بالمبلغ الي حطه ولاد نصار لو عاوز تشتري...... وليه لحسان ياحاج مناع منا دفعت المبلغ عشان اخد الارض لانها لزماني لا ياعبدالحميد يانصار الجار اولي بالشفعه لو جيرانه مش عوزنها ليك الحق تشتريها لكن لو مش عوزنها متقربش من الارض دي خالص...... الله ينور عليك ياحاج مناع هو ده الحكم الصح قوموا يالا سلموا علي بعض والي بينكم شيطان وهيبعد عنكم يالا سلام عليكم والحكم بتنفذ ياه ياحاج مناع اتعلمت منك كتير اوي للنهارده واتعلمت منك حاجات كتير اوي انتظروا الجزء القلدم المجهول حفيدي الراقي

Free reading for new users

Scan code to download app

App Store Google Play

Facebookexpand_more