HINDI namalayan ni Cheryl na nakatulog siyang muli. Nagpasalamat siya nang hindi siya magising dahil sa isang masamang panaginip. Nitong mga nakaraang araw ay talagang hindi siya nakakatulog dahil kinakatakutan niya ang kanyang mga panaginip.
Sa mga huling panaginip niya ay hindi na malabo ang mukha ng isang lalaki. Malinaw na niyang nakikita ang mukha ni Anton. Ayaw niyang pakaisipin ang lalaki ngunit hindi niya maiwasan.
Nag-ayos siya at lumabas na sa kanyang silid. Nakasalubong niya ang isang kawaksi na tila sa kuwarto talaga niya ang tungo.
“May mga bisita po kayo, Ma’am,” magalang na sabi nito.
Bahagyang nagsalubong ang mga kilay niya. Sino ang maaari niyang maging bisita? Kaagad siyang bumaba upang malaman kung sino ang mga iyon.
Natigilan si Cheryl nang madatnan niya sa living
