ANA MAE
"Ba-bye! Nay Fe, Ate Gigi, Ate Lorna aalis na po ako. Ano po ang gusto niyong pasalubong mamaya pag-uwi ko?" Tanong ko sa kanila dahil pupunta ako ngayon sa mansyon ni Donya Mila upang samahan ang best friend ko mamasyal at manuod ng sine. Dalawang buwan simula ng pumunta si Haide dito sa Manila, upang magtrabaho sa mansyon ng mga Sarmiento. Mabuti at naging maayos naman ang kanyang trabaho at nagkagaanan kaagad sila ng loob ng mga kasamahan niya pati si Donya Mila. Nakapagdala na siya nuon sa kapatid niya n'ong unang sahod niya. Ma ngiyak-ngiyak pa siya n'ong nahawakan niya ng buo ang kanyang sahod. Kaya sobrang saya ko para sa aking kaibigan.
"Wow! Ang sexy! Sana all nalang talaga kami sa'yo Ana Mae. How to be you po!" Pagbibiro ni Ate Gigi. Nakasuot kasi ako ng white crop top
