Hindi alam ni Phoenix kung paano niya nagawang ngumiti at magmukhang masaya habang niyayakap at binabati siya ng mga bisita. She was dying inside. Sana sinampal na lang siya ni Vance. O kaya sana ay ihinanda man lang siya nito. Pakiramdam niya ay nahihiya siya sa sarili niya. Yes. Kung may choice lang siya, di ka naman niya pakakasalan.
“Congratulations, Mr. and Mrs. Antiporda,” bati sa kanila ni Doctor Ambrosio na siya lamang nakarating sa mga kasama niya sa excavation project sa El Nido. Yumakap ito sa kanilang dalawa ni Vance. “Akala ko hindi ako makakahabol.”
“Buti nakarating po kayo, Sir,” sabi niya. “Kumusta na po sila sa site?”
“Nami-miss ka, siyempre. Pero huwag muna nating pag-usapan ang trabaho. Baka magselos ang asawa mo dahil alam naman natin na ayaw niyang mag-isip ka ng k
