(Overflowing sunshine)
GANADONG gumising kinabukasan si Arwa. Agad din siyang nakatulog matapos nilang mag-usap ni Sab. Hindi niya na namalayan kung anong oras na sila nagpaalam sa isa’t isa upang matulog. Pati si Miggy ay nakigulo na rin sa kwentuhan nilang dalawa. Doon sila sa terrace nagpalipas ng oras. Kung hindi pa nag-aya si Miggy ay hindi pa yata sila matatapos sa pag-uusap.
Pinupog niya ng halik ang anak niyang himbing na himbing na natutulog. Hindi na niya ginising si Yaya Cely na nakatulog na sa tabi nito. Awtomatiko namang hinanap ng maliit na kamay nito ang bisig niya saka niyakap iyon. Napangiti siya. Tama si Sab. Kailangan niyang sumugal para sa kaligayahan niya at kaligayahan ng anak niya.
“Good morning, Maam!” bati sa kanya ng tatlong kasambahay na nakasalubong niya pagb
