Kinabukasan, maagang nag-asikaso si Gwyn para sa gaganaping photoshoot para sa Theone Rising Stars Magazine, featuring all rising car racers in different countries. Malaking bagay iyon para sa kaniya para makilala ng mga tao. Ang sabi ni Moondance, may nahanap na raw na magiging ka-partner niya kaya hindi na niya pinilit pa si Trent. Mukhang hindi rin naman ito papayag kahit anong pamimilit pa ang gawin niya.
Kabado siyang umibis mula sa kotse at naglakad papasok sa gusaling may dalawampung palapag.
“I have a photoshoot with Toni Beltran, miss,” aniya sa receptionist.
“11th floor po, ma’am,” magalang nitong sagot sa kaniya.
Tumango naman siya at tahimik na naglakad papunta sa elevator. Ngumiti siya sa dalawang babaeng kasabay niya roon. Napansin niya ang pagbubulungan ng dalawa at maya
