Pagkatapos nila na makuha ang DNA result ay pumunta na sila Dane at Lenna sa may kulungan. Bumaba sila at may kinausap si Dane na isang jail guard.
Maya-maya ay may lumabas na babae at umupo na sa may tapat nila. Pinakilala ni Dane ito sa dalaga at hinayaan na niya mag-usap ang dalawa.
"Lenna, si Vera ang dati kong asawa. Siya ang nagdala sa akin kay Troy sa London, ng baby pa ito!" ani Dane habang nakahawak kay Lenna.
"Vera, siya naman si Lenna ang tunay na ina ni Troy!"
Naningkit ang mga mata ni Vera pagkarinig nang sinabi ni Dane. Katahimikan ang naghari sa bulwagan ng mga sandaling 'yon.
"Paanong ikaw ang ina ni Troy? May katibayan ka ba?" ani Vera na mataas ang tono habang sinusuri ng mga mata si Lenna.
Pinakita ni Lenna ang sobre na may laman na resulta ng DNA nila ni Troy.
