- REYMARK -
"s**t!" Napamura na lang ako dahil sa maling ginawa ko. Mukhang hindi ito ang suwerteng araw para sa akin. Imbes na makapag-landing ako na para bang isang super hero, nagpagulong-gulong pa ako sa damuhan at napangiwi sa sakit. Napayuko ako habang nakahiga sa damuhan. Sinilip ko ang paanan ko at nakita ko ang laylayan ng pantalon ko na natastas. Tinaas ko ng bahagya ang pantalon ko at nakita ko ang nagkalat na dugo sa medyas ko. Mabuti na lang at naisipan ko magsuot nito kanina kaya hindi masyado bumaon sa balat ko kung ano man iyong tumama sa akin, kung alambre o bubog ba. Dahan-dahan akong bumangon at binaba ang medyas na suot ko. Napatawa na lang ako kahit may kirot akong nararamdaman. Napatawa ako dahil mukhang effective naman ang ginawa ni kuya sa bakod niya.
Parang walan
