ميثاق حب

اليوم سمعت احلي خبر في حياتي كلها أنا بقيت مليونير ورثت عمي الغني اللي عايش في الخليج كنت حاسس اني قلبي هيقف من الفرحه وقررت اعيش واعوض ايام الفقر والحرمان ، انا حسين فتحي مدرس ابتدائي متجوز من كريمة بنت المعلم عضمة الجزار كانت جوازة الندامة والصدامة كنت قاعد مندمج وانا بسمع اغنية عمر دياب وبدندن معاه وهو بيقول يوم تلات تلات بنات نادهوني ع البساط بصات يا ناس عجبوني قعدة وانبساط غدا وعزموني فتفتوا الفتافيت وف*نوني وهوبا فوقت علي عفش البيت بيطير ، حلل و اطباق وصريخ وجاري وتنطيط ، ولسة هنطق واقول في ايه لاقيت الواد ابني اترمي في حضني وقالي ، الحقنى يا بابا ماما عايزة تض*بني ، قولته والله يا بني مش عارف اقولك ايه بس متتعشمش فيا اوي كده ، ده ابوك عايز اللي يلحقه ، ده بنت جزاز ياعم ، ولقيت الولية دخلة علينا ، تقولش هوجن أو شمشون الجبار ومصرة تض*ب الواد عشان قالع التيشرت ووقف تحت المطر ، اللي يشوفها يقول من آكلي لحوم البشر ، الولية مسكت الولد واكلت دراعه الواد كان بيصرخ ، ويقولي ونبي يا بابا حوشها عني ، بس مافي اليد حيلة ، ماهو انا مش مجنون عشان ادخل في صراع ، حتما هخرج منه جريح ده ان مخرجتش شهيد يابني ، حقك عليا بس ياروح ما بعدك روح ، وقلت في سري روحي منك لله يا بعيدة يا جبارة يامفترية ، ولاقتها وقفت قدامي وراحت صرخة في وشي وقالت ياحسين رديت وقلتلها يخربيتك سورتيني ما انا جنبك ، هو انا في الشارع التاني في ايه يا وليه ، مالك صاحية تلطشي في الواد كده ليه عملتي قلق في المنطقة كلها ، دول شوية شوية الجيران تتصل بالشرطة ، يبلغوا علي وقوع هزة أرضية أدت تصدع المباني المجاورة قالتلي وهي لسه بتصرخ ماتشوف ابنك يا خويا ، قولتها ماله الواد ياكريمة ما تسبيه يلعب ، . ابعدي بس انتي عنه لتبلعيه ، واهدي علي نفسك كدا ، لحسن تولدي في صرخة من صراخ ده ، ومحدش هيعرف ينقذك ، انت والفيل اللي بطنك ، لقيتها ابتسامتها وسعت اوي و راحت بصالى وحابة تدلع بقي ، طب بذمتكم اللي زي ده ينفع معاها دلع ، وراحت سندة بايدها علي كتفي الشمال ، عملتي فقد اتزان ، وقالت ، خايف عليا يا سي سونه ، بلعت ريقي وانا حاسس بدوار واني هتقلب انا و الكنبة ، و بقولها بصراحة انا خايف على نفسى اكتر انا هتلقب ياكريمة ولا مش واخده بالك ، قولتلك ابقي خدي بالك من فرق الأحجام انا عصفور ياكريمة انا مش حمل دراع واحد من دراعاتك ، لقيتها راحت مقربة عليا وقالت شوفي الراجل ، بدل ما دلعني وتشلني وتغنيلي شوية زي ما بتعمل مع الهوانم اللي اتجوزتهم عليا بعد ماورثت ، بقي يا راجل يا ندل اول ما ربنا يكرمك تغدر وتتجوز تلاتة صحيح رجالة عينها فارغة ما ملهاش الا التراب قولتها ايه اشيل مين يا كريمة ليه حد قالك اني فدائي اوي كدا ، هو انا اتجننت ده انتي عايزة ونش يشيلك ،يا ولية ، قال اشيلها واغنيلها كمان قال وده لما احب اغنيلك اقولك ايه زلزال زلزال زلزال بصتلي بعين ونص وقالت بدلع اخس عليك ياسونس انت بتتريق عليا اكمني وزني زاد كام كيلو من الحامل بكرا اولد وارجع غزال زي الاول ، قولت في سري غزال ، وانتي من أمتي كنتي غزال يا جبارة ،قالتلي بتقول حاجة يا حبيبي قولتلها هااا طبعا يا حبيبتي بقول اجمل غزال كمان ، هو انا حبيبتك من شوية وبعدين موضوع الجواز ده شرع ربنا قالتلي ليه ان شاء الله مش ماليه عينك قولتلها لا طبعا انتي تملي عين السيرة زاتها ،حد يقدر يقول غير جدا هو انا حبيبتك من شوية قالت بهيام جامد اوي فاكر يا حسين اول مرة قابلتك فيه، انا روحت ض*ب نفسي قلم علي قفايا وقولت غ*ي ، قالتلي بحدة ايه بتقول ايه مين اللي غ*ي ، قولتها ااه مش لما كنت بنقذك لما وقتي البلاعة المفتوحة ، كنت شاب وطايش يا حبيبتي قالتلي مش قادرة انسى انك كنت هتضحي بنفسك عشاني قلت لنفسي اه لو اعرف اعرف بس مين الجزمة اللي زقني وقتها قالت انت بتقول حاجة يا حبيبي قولتلها بخوف ورعشة في صوتي من حدتها وقربها مني ، انا يا حبيبتي ، ابدا بقول انا اللي غ*ي عشان متجوزتكيش من زمان قالتلي اه بحسب ، قولتلها لا اوعي تحسبي ، انا هو مستغني عن نفسي عشان اقول غير كدا ، ده انتي لسه وكله دراع الواد ، ضحكت بمياصه شوية وهي بتلعب في شعري وقالت بقولك ايه ، اما انا عاملة لك حتة مفاجاة في اوضتنا ، بمناسبة عيد جوازنا انما اية هتبهرك ، بس استني عليا انيم الواد ، عشان نبقى برحتنا ورحت بعتالي بوسه في الهواء وغمزت بعينها على اساس انها مزة وكدا ، وقالتلي نص ساعة وحصلني ماشي هزيت راسي وانا مبتسم وقولتها ، لا خودي راحتك انا مش مستعجل خالص ، حسبي الله ونعم الوكيل في ابوكي ، قال بيقولي هد*ك هدية ، بلاني بقنبلة ذرية ، ودخلت كريمة اوضتها واخيرا اخدت نفسي ، وقلت عيد جواز قال ، ده مناسبة يتقال عليها عيد ده يتقال عليها ذكري للعذاب والشقي ونغنلها عيد ميلاد جرحي انا وانا بندب بختي علي جوازي من كريمة وشوفتها قدامي عروسة البحر ياجدعان ماشية بتدلع ده نسمة مراتي رقم 2 هى دى الستات ولا بلاش ، العود الفرنساوي اللي يقول للقمر قوم وانا اقعد مكانك ب جمال ايه وحلاوة ايه ورقه ايه ، بسكوتة تذوب في ايدك النعيم واحلامه لما بكون عندها بعيش الهنا بعينه ، حتى وهي حامل تقول بسكوته حامل في كريزة ، اتكلمت وقالتلي حسين قولتلها بحب وشغب عيون حسين وقلب حسين ، قالت اسندني ، شكلها كانت بتكيد كريمة اللي وقفة عند باب اوضتها ، هطق من جنبها وهي شايف نسمة بتدلع عليا ، روحت قربت منها وقولتلها هوانا بعد كلمة حسين ده انا عايز اللي يسندني ضحكت ضحكة دوختني بزيادة وض*بتني بخفة وقالت يخربيت خفة دمك يا سونسن ، هو انا وقعت فيك وحبيتك من شوية ، قولتلها بحبك ، لا لا لا كتير عليا يارب الهنا والدلع ده كله الله الله الله علي سونسن اللي طالعة من بوك ادوب انا .قربت وهي بتلعب في لياقة البجامة ، يعني لو مكنتش ادلع علي جوزي حبيبي ادلع علي مين ، قولتها ادلعي بس بشويش عليا انا غلبان ،وقلبي ضعيف مستحملش الهنا ده كله ادوب في ايد الجميل ضحكت بصوت عالي وهي باصة لكربمة اللي تقريبا اتحرقت وهي وقفة وقالت مسكت ضهرها وقالت ااه شايف يا حسين ، شقاوة ابنك ، خبطني في ظهري ، وطول الليل منيمنيش ولا خلاني اشوف النوم بعنيا ، قولتلها قليل الادب زي ابوه انا عارا ميلت على بطنها ، وزعقت وقلت انت يا واد يا حزنبل مضايق المزه بتاعتي لية ، انا مش موصيك عليها ، تقوم تتشاقي وتتعبها كدا ، بس وغلاوة امك لكون موريك لما تنزل ، أما شحنتك لكريمة مرات ابوك مبقاش انا .لقيتها ضحكت بدلع وقالت خلاص قلبك ابيض هو اتعلم الادب بلاش كريمة ونبي ، وضحكت تاني وقالت يلا شيلوني وديني هناك على السفرة عشان عايزة اكل التفاحة اللي هناك قولتلها عيوني هو انا اطول اشبل القمر وميلت عشان اشيلها ، شوفت كريمة وهي جاية عليا ، وبتقولي بعني ما شفناش حاجة من الدلع ده ، ولا هو الدلع له ناس وناس بقول ايه يا حسين ، هتشيل هنا ، يبقى تشيل هنا قولتها طب ازاي راعي الفرق قالتلي بإصرار سمعت اللي قولته ولا مسمعتش ، بلعت ريقي وقولتها سمعت خلاص لا هشيل هنا ولا هنا ضحكت كريمة وقالت اتفضل قدامي وقالت نسمة الهانم تعرف تمشي ولا م**حها ، نسمة قالت بخوف لا بعرف امشي ورحنا قعدنا على السفرة ، نسمة قالت سونة قشري التفاحة ده قولتها عيوني بس هو في بسكوته تاكل تفاح، لقيت كريمة اخدت التفاحة ورحت دفستها في بقها ، وقالتها لما تنشلي يبقى ياكلك بلاش دلع ومسخرة علي المسا رديت وانا تقريبا هفطس وقولتها عندك حق حقك عليا ياكريمة كبيرة ، وهنا بقي ظهرت فرحة مراتي رقم 3 ده بقي الفرس العربي الاصيل وقلت والله عال العال يا سى حسين هو احنا اتنسينا ولا ايه وكان في ايدها طبق الجمبري ، الاكلة المفضلة عندها ، مغرقانة فسفور رايح جاي تقولي كل يا سونسن، اتغذي ياسونة ، لما الواحد بقي ينور في الضلمة ، قولتلها وانا باكل الجمبري اللي دفستو في بؤي ارحمني يا فرحة غيري ابقي هاتي استكوزة المرة الجاية ، ضحكت وقعدت جنبي قولتها ضحكتك دى بتنور حياتي زي الشمس اللي لما تطلع تنور الدنيا ، ضحكت تاني وراحت رفعة شعرها الاشقر الحرير وقالت ، يالهوي عليك يا حسين وعلي كلامك الحلو اللي مخليني أعشقك كل يوم اكتر من اليوم اللي قا**ه، كريمة قالت وهي بتجز على اسنانها تعرف يا حسين وانا ببين ايدك ببقي شيفها الدنيا بعينك وبعيش الحياة بنبض قلبك ، انا معرفش لو انت مش في حياتي كانت هتبقي الدنيا ازاي من غيرك ردت نسمها وقالت ، والله يا سونة وجودك في حياتنا نعمة صراحة كلمهم ليا حسسني اني الامير شهريار ، صحيح الست جنة الراجل على الأرض كلامهم كان بمثابة باور غير عادي خلاني احس بالفخر والعظمة وقولتلهم وانا معاكم بحسن اني هارون الرشيد ، ضحكوا وقالوا اياه واحنا بقي حريم السلطان اؤمر يا مولي رديت وقولت اكيد ربنا راضي عني لما يبقى القمر على يميني والشمس على شمالي كريمة زغرتلي يعينها وقالتلي وانا ايه ان شاء الله قولتلها انتي المجموعة الشمسية كلها ردت نسمة و قالتلي انت اللي قلبك ابيض، وحنانك علينا هو اللي مخلينا عايشين معاك في الحب ده ، لولا حبك لينا مكناش قبلنا بالوضع ده ابدا قولتلها وكان يرضيكم ان ابقي شهيد الغرام ، ولا انا كنت اقدر اعيش من غير وجودكم في حياتي طب هي تبقى الدنيا دنيا من غير قمرها ينور سماها ،ولا شمسها تنور يومها ، ده حتى يبقى في خلل في الطبيعة ، فرحة قالت عايزة اقولك اني الدكتورة قالتلي اني حامل في بنت ، قولتها رضا اكيد هتبقي مزة لامها واهو يبقي زيادة القمر قمرين ، قالتلى بجد يعني انت مش زعلان قولتلها واية اللي يزعلني ، ده انا حتي بموت فى الجنس الناعم هنا بقي وختامها مسك دخلت علينا سمرا مراتي رقم اربعة ، اه واه من جمالك يا سمرة ضحكت وقالت وشورت علي بطنها ، وقالت انا بقي محرمتكش من حاجة هجبلك توأم واد وبنت ، قولتها ونبي بجد اهي ده المفاجآت ولا بلا ش اهو الجمبري والفسفور بتاع نسمة بانت بركاته ، ضحكت وقالت لا معلش ده قدرات وفرق سرعات يا سونسن قولتلها ده احلي دلع ده ولا ايه قالتلي فين بقي هديتي عشان المفاجأة الحلوة ده قولتها عيوني وقلبي تستاهل كل اللي تؤمر بيه لو طلبتي النجوم اعملهم عقد قالتلي لا كفاية طقم الماظ اللي في محل الخواجة اللي علي اول الشارع ، قولتها بس كدا خير ربنا كتير اعتبريه عندك ، ردت نسمة بزعل وقالت يا سلام ، هي تشاور وانا ايه ان شاء الله المساواة ياسونة ، ردت بسرعة وقولتها وانتي كمان تشاوروا علي اللي انتي عايزة نسمة قالت طقم الالماظ زي اللي هتجيبه لسمرا ، قولتها بس كدا عيوني وفرح قالت لا والله عال ناس لها الماظ وناس تتمحي من الرأس ولا عشان انا هخلف بنت ابقي مستاهلش الالماظ قولتلها ابدا مايحصل نفس الطقم لست الناس ، ردت كريمة وقالت مينفعش كدا يا حسين خد من التل يختل قولتها يا كريمة اصرف ما في الجيب ياتيك ما في الغيب ، قالتلي بضيق ده فلوسك وانت حر فيها ردت فرح وقالتها الله مانتي هينوبك من الحب جانب برده ، رديت عليها وقولتلها لا كريمة آخرها حلة محشي وجنبها دكر بط ، بصتلي كريمة يومها نظرة وجعتني اوي معرفش ليه وقالتلي انا كل اللي يهمني انك تكون سعيد ومبسوط هو ده نصيبي وأنا رضية ومبسوطة به ، مخدتش في بالي وعملنا حفلة كبيرة وكنت فيها ولا ملك رقص وضحك وغني اتاري الجواز من اكتر من واحدة ده نعمة يا جدعان ده الواحد كان دافن نفسه وهو مش واخد باله كنت بمشي رفع راسي وافتخر وهما معايا و اتباهى بيهم وبجملهم وتمر الايام وراحت السقرة وجات النقرة وبقيت في حرب ولا الحرب العالمية الثانية كل يوم خناق ومشاكل حتي بعد ما فرفتهم واخدت لكل واحدة مكان لوحدها الغيرة زادت بينهم وولعت نار وكأنهم في صراع والبقاء للأقوى ، والطلبات كل يوم بتزيد ، وانا صحتي اتهورت بسبب مشاكلهم اللي مش بتخلص ، ومبقتش قادر عليها ولا لقيت راحتي في أي مكان ، بقي عندي من العيال جيش لدرجة مبقتش عارف اسمائهم من بعض وفي يوم من الايام حصل الحاجة اللي **رت ضهري ما هو كدا دوام الحال من المحال فاجأة خسرت كل فلوسي في البورصة ومبقاش حلتي ولا مليم وملقتش حد معايا البيت اللي كان ولا المعسكر بقي فاضية البيضة والسمراء والشقرة كله اتبخر ، النزاع اللي كان عليا طلع وهم كان كله بهدف الفلوس مش الحب كانت سعادة مزيفة مؤقتة ، مالهاش اساس ، و مبقاش معايا غير كريمة لقيتها جايبه كل صيغتها وفلوسها وبتقولي ولا يهمك يا حسين انت راجل وقدها ، وانت قادر ترجع اللي راح بصتلها بخجل منها وبندم وقولتها معقول انتي يا كريمة ده انتي الوحيدة اللي ظلمتك وجيت عليكي معقولة تكوني انتي الوحيدة اللي تقفي جنبي ، ردت وقالت كل واحد بيعمل باصله يا سي حسين وانا حبيتك بجد ويعلم ربنا كنت بستحمل كل يوم تدخل عليا بعروسة شكل وانا بتقطع من جوايا بس كنت بستحمل واصبر واقول معلش بكرا يعقل ويقدر المعدن الاصلي من الفلصوا ، وكنت اصبر نفسي ، اصلي انا ماليش غيرك يا حسين ، رغم انك طفس وغ*ي وعينك فراغة بس اعمل ايه بحبك يا سونه قولتلها سامحيني سامحيني بجد يا كريمة انا عرفت قيمتك صحيح متاخر اوي وبعد فوات الاوان ، الغرور عميني وملذات الدنيا اخدتني ردت وقالت مسامحك يا سي حسين بس بشرط ، قولتها انتي تتشرطي براحتك قربت مني بكل حب وقالتلي شلني يا سونة ، عينا وسعت وقولتلها انتي تااااااااني وفجأة حسيت بالم في كل عضمي ولقيت نفسي على الارض وده من أثر وقعتي من علي السرير كنت مندهش اوي ايه ده معقولة هو كل اللي كنت فيه ده حلم يعني مكانش حقيقة لا في بيضة ولا سمرا ولا شقرة ضحكت وقلت ماهو الجعان يحلم بسوق العيش بس الحمد لله انه طلع حلم ، وسمعت كريمة بتنادي عليا وبتقولي يا حسين قوم بقى اتأخرت في النوم كدا ليه ، ضحكت وقولتلها صحيت يا قدري وكويس اني صحيت يابنت الاصول داخلت عليا الاوضة وقالتلي . وهي بتضحك ومبسوطة وبتقولي قوم يا حسين عمك مات وانت الوريث الوحيد له وبقينا اغنيا ياسي حسين قولتلها ازاي وعرفتي منين قالتلي المحامي لسه مكلمني حالا وقال انه عايزك ضروري النهاردة قولي بقي يا سى حسين هتعمل ايه بالفلوس دى كلها ابتسمت وعنيا لمعت وقولتها هتجوز اربعة وعينك ماتشوف الا النور انا حاليا متجبس في المستشفى وحالتي خطير نظر لحادث تصادم في تريلة ، وده رسالة مني لكل راجل نفسي يعدد ، انا اهو عبرة لمن يعتبر انت ممكن تخلي بيتك جنة لو اتبعت سنة حبيبك محمد رفقا بالقوارير كن لها ذكرا تكون لك انثى كن لها ملك تكن لك اميره المرأة الفاضلة صندوق مجوهرات يكشف كل يوم عن جوهرة جديدة.