Umaga pa lang, nag-aalab na ang balita sa telebisyon.
Nakaupo ako sa sofa ni Lucien, nakatulala sa malaking flat screen TV habang umaalingawngaw ang boses ng news anchor. Breaking News. Ang headline sa ibaba ng screen ay kulay pula at kumukutitap: "SALVADOR EMPIRE IN CHAOS: VP LUCAS SALVADOR, FORCIBLY REMOVED."
Pinakita ang video footage na kuha ng isang cellphone camera sa lobby ng Salvador Tower. Malabo at magalaw ang kuha, pero kitang-kita ko ang nangyayari.
Si Lucas, ang mapagmataas na pinsan ni Devon na laging tumatawag sa akin ng "hampaslupa" noon ay kinakaladkad palabas ng dalawang security guard. Gusot-gusot ang suit niya, at pulang-pula ang mukha niya sa galit.
"Bitawan niyo ako! Alam niyo ba kung sino ako?!" sigaw ni Lucas sa video, halos pumiyok ang boses. "Ako ang nagtayo n
