“Bakit tahimik ka diyan babe? Hoy, kinakausap kita. Sabi ko thank you nabihisan mo na pala ako. Kanina ka pa ba dito? Sorry ha hindi na ako nakatawag sayo o nakapag-chat man lang. Masama kasi talaga ang pakiramdam ko, ewan ko kung bakit ganito eh uminom lang naman kami kina Mildred,” nakangiting wika ni Recca kay Sergio na noon ay tahimik lamang habang nakatingin sa babae.
Napakunot noo naman si Recca habang nakatingin sa kanya siguro nagtataka kung bakit tahimik siya at talagang hindi maipinta ang kanyang mukha.
Kahit na hindi siya mapalagay sa kanyang natuklasan minabuti niya na linisan pa rin ang babae at gisingan ito para makakain.
Ngayon na gising na ito nagtatanong ito pero hindi niya magawang magsalita o makipag-usap dito dahil parang pakiramdam niya ay sasambulat siya sa galit
