(Six hours ago)
Professor Yugi's POV
"Bakit ka magre-resign?" tanong ni Prof. Kath. "Ang tagal-tagal mo na rito sa university. Almost five to six years ka nang nandito tapos bigla mong maiisipang mag-resign?"
"Seryoso ka sa desisyon mong 'yon? Ang akala ko nagbibiro ka lang?" sabat ni Prof. Jack at natigil sa kanyang ginagawa. "Sinabi mo na ba ito sa lahat ng mga kasamahan natin? Kay Dean? Sinabi mo na ba?"
Natigil ako sa sunod-sunod na katanungan na iyon ng dalawa.
Tinapunan ko sila ng tingin na sa mga sandaling iyon ay nakatunganga lamang sa harapan ko habang hinihintay nila ang magiging sagot ko.
Humugot ako ng isang malalim na hininga bago magsalita.
"Hindi pa. Hindi ko pa sinabi sa mga kasamahan natin at mas lalong hindi ko pa sinabi kay Dean," tugon ko. "Naghahanap pa 'ko ng
