Professor Yugi's POV
Pagbaba na pagbaba ko sa kotse ay agad kong hinagilap si Aki. Nasa kabilang kalsada pala ito at nakatambay sa tindahan kasama ang anak ng landlord namin. Naglakad ako patungo sa kanyang kinalulugaran kung saan ay nakaupo lamang ito habang umiinom ng softdrinks.
"Halos lahat natupok ng apoy pati na ang katabing mga bahay," anas ko habang nakatanaw sa lugar na nasunog. Nagbaling ako ng tingin kay Aki. "Ano bang nangyari? Saan nagsimula ang sunog?"
Lumagok siya bago sumagot. "Iyon na nga. Nagsimula raw doon sa katabing kwarto natin na panay ang videoke kahit dis-oras na ng gabi. Ang sabi ng mga bombero ay may deperensya na ang cable ng tv kaya biglang nagliyab."
"Anong nangyari kina Emman at Sofia?" kunot-noong tanong ko.
Dismayado siyang umiling. "Patay. May pag-a
