Isang matamis na ngiti ang gumuhit sa mga labi ni Elyan paglabas niya mula sa kanyang kwarto. Nang dahil sa naging usapan nila kagabi ng kanyang mga kaibigan ay nabigyan ng linaw ang mga bagay na gusto niyang isakatuparan ukol sa plano niyang mapalapit sa professor.
She didn't imagine na bukod sa mga bagay na naiisip niya ay mayroon pa palang pwedeng idagdag sa mga iyon.
Kaya naman lubos na lamang ang tuwa niya dahil imbes na itago niya ay minabuti niyang ipagsabi ang plano niya sa kanyang mga kaibigan.
Bagama't wala pang resulta, ngayon pa lang ay nagpapasalamat na siya dahil malaki ang naitulong nila sa kanya.
Sa pagbaba niya ng hagdan ay bahagya siyang natigil nang makita niya ang kanyang ina na naghahanda ng almusal sa kusina. Samantala, nakaupo naman ang kanyang ama sa dulo ng
