Chapter 68
Eunice
Nakarating kami ni Alexander sa hospital.
Hawak kamay kami na naglalakad sa pasilyo ng hospital papunta sa silid ni Lola. Kapag narito kami sa hospital hindi maiwasan na may titingin sa asawa ko at hahanga. Kahit nga sa labas pa kami. Lalo na ang mga nurse at ibang empleyado rito. At ang mga tagabantay ng ibang pasyente. Kinikilig sila na binabati ang asawa ko. Minsan nakakaramdam ako ng insecurity sa sarili ko. Napapangitan ako sa sarili ko lalo na at malaki ang tyan ko. Mabuti na lang talaga at saglit lang ngingiti si Alexander sa kanila, subalit hindi pa rin maiwasan na hindi ako magselos. Magaganda din naman kasi ang mga babae na nagpa-pacute sa asawa ko.
"Hi, Sir?" bati ng dalawang nurse. Halos kasing edad ko lang ang mga ito.
"Hi," sabay kaway ni Alexander sa
