Dahil naiirita na akong makinig sa bangayan nila kahit sa pagluluto na lang ng dinner namin ay ako na ang gumawa. Pinagtulong ko na lang sila sa paggagayat ng mga sahog at sangkap para naman may kwenta sila.
Nang matapos na sila sa pinapaggawa ko sa kanila ay para na silang mga pusa sa gilid na naghihintay na bigyan sila ng pagkain.
Bawat galaw ko ay nakasunod ang kanilang mga mata. Kapag nahuhuli ko silang nakatitig ay iba't-iba rin ang kanilang reaksyon. Nakangisi si Xell, nakangiti si Beau at umiiwas ng tingin ang nagme-menopause na si Zef.
Pagkatapos kong magluto ay ako na rin ang naghain ng mga pagkain sa mesa at sila naman ang naglagay ng mga plato, kutsara, tinidor, baso at pitcher na may tubig. Naghanda rin ng soft drink si Beau at nagtimpla ng juice si Zef. Si Xell ay walang n
