Ngayon ang gabi ng Grandball. Kinakabahan ako habang nakatingin sa repleksyon ko sa salamin. “Tama na ba itong make-up ko?” kinakabahang tanong ko sa sarili ko. Ewan ko ba? Kanina pa ako hindi mapakali sa ayos ko. Nais sana ni Nick na kumuha ako ng make-up artist pero tumanggi ako. Kaya ko namang ayusan ang sarili ko.
May kumatok sa pinto ng kwarto ko at pumasok si nanay. “Ang ganda naman ng anak ko.” Magiliw na sabi ni nanay ng makita ang itsura ko.” Bagay na bagay talaga sayo ang pulang dress na ‘yan.”
Thanks ‘nay.” Nakangiti kong sabi. Kahit papaano ay nawala ang kaba ko dahil sa sinabi ni nanay.
“Nandyan na pala si Nick. Pinapasok ko na sa sala at ang gwapo niya anak.”
Nang sabihin ‘yun ni nanay ay bigla na namang bumalik ang kabang nararamdaman ko. “Okay na ba talaga itong ayos ko
