Kabanata 15
"Sinabi niya sayo 'yon?" hindi makapaniwalang tanong ni Hazel sa akin sa kabilang linya. "Buti nalang at naniwala siya sa akin. Ano bang sinabi niya sayo?" tanong niya muli sa kabilang linya.
Kailangan ko ba talaga itong sabihin sa kanya?
"Humingi siya ng sorry sa akin," ani ko. "At sinabi niya sa akin na sinabi mong tayo ang magkasama at hindi si Khan." paliwanag ko.
Hindi ko din alam kung bakit 'yon ang naisip ni Whyth. Kahit hindi niya naman talaga ako nakitang kasama si Khan sa mall. Well, atleast, nagsorry na siya sa akin. Okay na kami doon.
"Seryoso?" hindi niya makapaniwalang tanong sa kabilang linya. "Humingi siya ng tawad sayo? At akala ba niya na kasama mo si Khan? Sinong Khan?" sunod-sunod niyang tanong.
Naalala kong hindi niya pala kilala si Khan. Paano niya
