Because of you book 2

MAAGANG gumising si Maysisa para magluto ng agahan nila ng kanyang lolo. Dahil dalawa lamang sila, dalawang itlog lang ang kanyang niluto. Nagpakulo na rin siya ng tubig para kapag gumising na ang lolo niya ipagtitimpla na lamang niya ito ng kape. Habang nagluluto naglilinis na rin siya ng buong bahay. Itinabi niya ang mga marurumi nilang damit, mamayang hapon na lamang niya iyon lalabhan. Pagkatapos niyang maglinis ng bahay at magluto. Napagpasyahan niya na maligo muna habang tulog pa ang kanyang lolo. Nagbibihis na siya ng uniform niya sa center ng biglang tumunog ang kanyang celphone. Bahagya pang kumunot ang kanyang noo. “Alam mo storbo ka bakit kaaga-aga mong tumawag?” mataray na wika niya sa kabilang linya. Ngunit tinawanan lamang siya nito. “Nagtxt ba sa iyo si Ma'am Lina?” tanong nito sa kanya. “Hindi, bakit?” “Pinapapunta tayong lahat sa mansion nina mayor. Ngayon daw ang binyag ng anak ni Mayor Geo . Imbitado lahat ng government employee's pati lahat ng mga bhw.” paliwanag na wika nito sa kanya. “Pupunta ka ba?” tanong niya dito. “Oo, gusto kung makita 'yong asawa ni mayor na si Ma'am Charie at saka iyong baby nila.” Gusto din niyang makita ang asawa ni Mayor Geo sabi nila napakaganda daw nito at mabait. “Sige, pupunta din ako. Gusto ko din makita si Ma'am Charie.” wika niya kay Ivy. Matapos nilang mag-almusal ay nagpaalam na siya sa kanyang lolo. “Lo, aalis na po ako.” paalam na wika niya sa kanyang lolo. Tumango lamang ang kanyang lolo. Naawa siyang iwanan ito mag-isa dahil may malubha na itong sakit. Pero kailangan niyang pumasok araw-araw sa center bilang isang bhw. Kailangan niyang magtrabaho para may makain silang dalawa. Hindi kasi sapat ang pinapadala ng kanyang ante. Kulang pa nga para pambili ng mga gamot ng lolo niya. Habang naglalakad tinawagan niya ang kanyang boyfriend na si Dion. Kagabi kasi hindi maganda ang kanilang pag-uusap. Pinag-aawayan na naman nila ang pagiging seloso nito. Mahal na mahal niya ito kahit na may pagkaseloso. Nagkibit-balikat siya ng hindi sinasagot nito ang tawag niya. Siguro galit pa ito kaya hindi sinasagot ang tawag niya. “Ivy chezelle!” tawag niya sa kanyang bestfriend na si Ivy. BHW din ito tulad niya. Araw-araw silang nagdu-duty, hanggang tanghali lamang ang kanilang duty. Iba na naman mamayang hapon. “Beshy, ang aga mo naman,” wika ni Ivy sa kanya. Lumabas na rin ito ng kanilang bahay. Nakabihis na rin ito ng uniform nila. Magkapit-bahay lamang sila nito. Mula pagkabata magkaibigan na sila. Sa katunayan si Ivy ang nagpasok sa kanya bilang isang bhw. Ito rin ang nagturo sa kanya kung paano ang tamang pagkuha ng blood pressure at heart beat ng isang tao. Noong una nahihirapan siya lalo na sa pagkuha ng blood pressure. Pero hindi nagtagal nakuha niya naman ng tama. Isang taon na rin na siyang bhw ng kanilang lugar. Takbohan siya lagi ng kanyang nasasakopan na mga senior citizen. Lalo at kung ang mga ito ay masama ang mga pakiramdam o kaya kapag mataas ang kanilang blood pressure. “Kailangan ko kasing tapusin yong report ko hindi ko kasi nagawa kagabi.” tugon niya dito. Humarap ito sa kanya. “Nakita ko kagabi si Dion, ah. Bakit ang aga yata niyang umuwi kagabi?” tanong nito sa kanya. “Pinag-awayan na naman namin si Jay.” malungkot niyang wika kay Ivy. “Jusko, Yza iyang boyfriend mo may sapak talaga sa utak. Hanggang kailan ba niya pagseselosan si Jay? Alam naman niya na bakla 'yon, ah.” nanlaki ang mata nitong wika sa kanya. Umiling-iling na lamang siya hindi rin niya alam kung hanggang kailan ang pagseselos ni Dion kay Jay. Dahil sa kanilang pagkwe-kwentohan ni Ivy hindi nila napansin ang papalapit na sasakyan. Huli na para umiwas sila parehas silang napaupo dahil sa pagkagulat. Biglang uminit ang kanyang ulo. Galit na tumayo siya dahil medyo nasaktan siya. Lumabas ang isang lalaki na gwapo, matangos ang ilong, 5'6 ang taas. Bahagya pa siyang natulala sa taglay nitong kagwapohan. “Okay, lang ba kayo?” tanong nito sa kanila. Dahil sa galit at inis na nararamdaman niya dinuro niya ito at sinamaan ng tingin. “Hoy! Antipatikong lalaki at mayabang bulag ka ba? Hindi porke't nakakotse ka, eh, sa iyo na itong kalsada. Hindi mo ba kami nakita na tumatawid.” galit na wika niya sa lalaki. Nakataas pa ang isa niyang kilay. Tinanggal na nito ang suot na salamin sa mata. “Miss, sorry nagmamadali kasi ako.” paumanhing wika nito sa kanila. Pero imbes na tanggapin niya ang sorry nito ay mas lalong sinamaan niya ito ng tingin. “Sorry ang mukha mo,” singhal niya sa lalaki. “Palibhasa mayaman, akala mo kung sino.” mataray pa niyang wika. “Oi, Maysisa, tumigil ka nasi Vice Mayor Kian iyang kausap mo.” wika sa kanya ni Ivy. “Wala akong pakialam kung vice-mayor pa siya. Muntik na tayong mamatay ng dahil sa kanya, antipatiko.” mataray na wika niya. Pero ang totoo nagulat siya ng sabihin nito na si vice ang tinatarayan niya. Pero hindi siya nagpahalata. Paninindigan na niya ang pagiging mataray niya dito. “Ah, Vice Mayor Kian mauna na po kami ha, pasensiya po dito sa kaibigan ko. Medyo may pagkamaldita kasi ito.” paumanhing wika ni Ivy dito. Tumingin siya kay Ivy. “Bakit ka ba humihingi ng pasensiya diyan.” tanong niya dito. Ngunit nilakihan siya nito ng mata pero hindi niya ito pinansin at bumaling muli ng tingin kay Kian. “Oi! lalaki sa susunod sa kalsada ang tingin para wala kang masagasaan.” galit pa rin na wika niya. Pero ang totoo naginginig na ang tuhod niya. Dahil baka magalit ito sa kanya at idemanda siya. Hinila na siya ni Ivy bago pa man sila makalayo ay nilingon niya si vice. Nakatayo pa ito at nakatingin sa kanila nakangiti ito. Kaya umiwas na siya ng tingin at tuloy-tuloy na naglakad. “Maluluka ako sa iyo, Maysisa tinarayan at sinagot-sagot mo ng ganon si vice. Paano kung ipatawag ka niya sa munisipyo at ipakulong ka dahil sa ginawa mo.” tila naiinis na wika ni Ivy sa kanya. Habang binubuksan ang pintoan ng center. “Eh, hindi ko naman kasi alam na si vice iyon, eh, malay ko bang siya 'yon. Hindi ko naman kasi kilala at nakikita siya. nakasimangot niyang wika kay Ivy. Kahit na siya ay taga Calatrava hindi niya nakikita at kilala ang vice-mayor nila. Ang nakikita n'ya lang at kilala ay si Mayor Geo dahil malimit itong bumisita dito sa lugar nila. Pero iyong si Kian kanina lamang niya nakita. At mukhang mali pa yata ang unang pagkikita nila. Napakamot siya sa kanyang ulo paano nga kung ipatawag siya nito at idemanda? Dahil sa ginagawa niya tinawag pa niya itong antipatiko at mayabang. Lagot na, paano na 'to?