Ilang beses ko sinubukan na umalis sa kumpol ng tao at maging sa aking kinauupuan. Pero lahat ng iyon ay hindi tumalab dahil maya’t maya ang lapit sa amin ng mga bisita. Lahat ito ay mga kaibigan ng pamilyang Gornez sa larangan ng negosyo. Ramdam ko na rin ang pangangawit ng aking binti dahil sa kanina pa ako nakatayo.
Wala naman talaga akong ginagawa kundi sumagot kapag may tanong sila at samahan lamang si Timothy. Pero dahil hindi nga ako sanay sa ganitong buhay ay ganito nalang ang pagod ko. Nakakapagod din pala makihalubilo lalo na sa mga tao na hindi mo kilala. Kaya rin siguro stress minsan na nauwi si Tim dahil ganito palagi yung routine niya pag sa opisina.
Kanina pa ako palinga-linga sa paligid. Hinahanap ng mata ko si Tanya. Simula ng nakita ko itong tumakbo kanina ay hindi ko
