Halos sumakit ang ulo ko sa pag-unawa sa ilang assignment ni Buboy kaya ngayon pati itong si Alexa ay aking inabala para matapos na ang mga takdang aralin ni Buboy.
“Naku, ate ayos lang. Magdadaan ka rin talaga sa ganiyan lalo na kapag naging mommy kana,” ipinagpatuloy nito ang pagdidikit ng mga colored paper na ginupit gupit namin sa hugis ng mga hayop.
Nagsimula ng pumasok si Buboy nitong nakaraan lamang kaya maging ako ay abala rin dahil kailangan tutukan maigi ang bata dahil unang beses pa lamang ito makakapasok at dahil nga sa mahinang pangangatawan nito ay hindi ko mapigilan hindi mangamba. Buti nalang at nandito si Alexa na kaagapay ko.
Ngumiti ako pero hindi ko alam kung ngiti ba ang kinalabasan noon. Tuwing napag-uusapan ang tungkol sa pag aanak ay parang hindi ako mapakali da
