❀⊱Madel's POV⊰❀
Isang buwan na ang lumipas mula nuong huli naming pagkikita ni Lauro sa canteen. Hindi ko na siya muling nakita simula nuon. Ang tanging balita lang na umabot sa akin ay 'yung usap-usapan sa canteen na biglaan lang daw ang pag-alis niya, isang emergency flight palabas ng bansa para harapin ang lumalalang problema sa negosyo.
Iyon lang. Wala namang detalye, at wala din naman akong pakialam dahil may asawa na ako kahit na ang kasal namin ay isang malaking kasunduan lang.
Hindi rin ako kinausap ni Orion tungkol sa kaibigan niya. Wala siyang sinabi na kahit na ano sa akin, o walang panunumbat na kahit na ano. Hindi man siya nagsalita, ramdam ko naman na tila ba lalo siyang nagtanim ng kung anong galit sa akin. Ramdam ko ang distansya niya... 'yung malamig na espasyong nama
