ليته احبني ?

الفصل السادس

روايه ليته احبني ? تأليف وكتابه اسماء صلاح عبد الرؤوف تفاعلوا ? برجاء عدم النشر بدون أذني منعا المسائلة القانونية

*****************************************

في الشارع*

سما بخوف: محمد!!! انت بتقرب كده ليه !؟؛

محمد بمكر: مافيش يابنتي هقرب ليه انا كنت بخوفك بس وفعلا طلعتي خوافه

سما بتزمر : علفكره بقي ماينفعش كده احنا في الشارع الناس ممكن تتكلم عليا

محمد برزانه: ماحدش يقدر يتكلم عليكي وانتي معايا صدقيني .

نظرت له بابتسامه بلهاء-: مصدقاك ...

محمد : احم المهم تعالي معايا بقي علشان عايز اقولك حاجه فعلا

سما بارتباك: طيب استني لما ساره تيجي

محمد : ساره مين يا ماما ساره روحت من بدري

سما بصدمه : نعممممم!!! روحت ازاي طيب وانا

محمد ببرود: انا قولتلها تسيبنا لوحدنا شويه علشان نعرف نتكلم

سما : طيب انا مش ينفع أخرج معاك لوحدي

محمد بنفاذ صبر: وبعدين معاكي بقي هاكلك يعني يا سما !!!؟

" كادت أن تجيبه وتعترض ولكن عندما تلفظ إسمها للمره الاولى خفق قلبها كم بدي اسمها مختلفا من بين شفتيه هذا هو حال العاشق فانه يري ويسمع كل الكلام بقلبه "

سما بقله حيله: ماشي بس هتقول اللي انت عايزه واروح علي طول

محمد بابتسامه: ماشي تعالي نقعد بقي في ايه كافيه

سما بخوف: لا لا كافيه ايه انا مش بحب الكافيهات

محمد : خلاص اهدي أهدي المكان اللي تحبيه نقعد فيه ياستي .

سما : في مكان عام هنا علي اخر الشارع هنروح نقعد فيه

اومأ لها بسخرية وهو يمشي بجوراها فهناك فرق شاسع بينها وبين محبوبته القديمة فهي كانت تذهب معه في كل مكان وكأنهم متزوجين وأما هذه تخشي من مكان به بعض الخصوصيه "

سما بصوت عالي: محمممممد !!!!!

محمد وهو ينظر لها: ايه في ايه !؟

سما بخجل: وصلنا وانا بكلمك بقالي ساعه..

محمد بهدوء: معلش سرحت شويه المهم كنت عايز اقولك أنه انا اسف علي اللي عملته يوم الشبكه انا مكنش قصدي

سما بحزن وكأنه ذكرها للتو باحدي خيبات أملها -: عادي يا محمد حصل خير انا نسيت اصلا

محمد بضيق من نفسه-: انا فعلا عارف اني غلطان في حقك بس صدقيني وقتها مكنتش اعرف عقلي فين ...

" وجدها تنظر له بابتسامه فتحدث قلبه -:

بجد انتي انسانه محترمه اؤي يا سما ورقيقه وطيبه

" شعرت أنها تحلق فوق غيام الحب من سحر كلامته التي تقع على قلبها فتزرع به ورودا من العشق والهوى لتقسم بداخلها أنها باتت تعشقه حتي وان لم يفعل هو "

محمد بقلق: سما انتي ما بترديش ليه انتي لسه زعلانه مني !؟

سما بتسرع: لا لا والله خالص عمري ما ازعل منك

" أغمضت عيونها علي تسرعها الغ*ي في تفوه الكلمات"

محمد بابتسامه: اومال مش بتردي عليا ليه

سما بإحراج: مافيش انا بس كنت بفكر .... إيه ده فين تليفوني

محمد : تليفونك معايا اهو اتفضلي ...:

سما بخوف : يالهووووي دي ماما رنت عليا كتير اوي لازم امشي

" أمسك بيدها بحركه عفويه-: استني بس مش هتقوليلي بتفكري في ايه !؟

..... اكيد بتفكر في قله ادبك اللي راسمها عليها

محمد بجديه: نعم مين حضرتك !!!؟

فاتن بعتاب: ما تردي يا انسه يا محترمه ياللي خرجالي مع واحد وماسك ايدك كمان !؟

سما بدموع: ماما والله انتي فاهمه غلط ده هو بس

- قاطعتها بصفعه علي وجنتيها : انتي متتكلميش كلامي معاكي في البيت دلوقتي كلامي مع الاستاذ انت عايز من بنتي ايه !!!؟

محمد بثبات: هعوز من بنتك ايه يعني انا عزمتها وهي جت معايا فين الغلط بقي

" نظرت له سما بصدمه وعتاب مختلط بدموع عينيها فتالم قلبه من أجلها"

فاتن بتقزز: الغلط في بجاحتك لانك عامل الغلط ومش معترف بيه

محمد : ياست الكل بنتك معملتش حاجه غلط انتي قفشانه في شقه ده انا كنت بصلح سوء فهم بيني وبينها !

فاتن وهي تسحبها من يدها: يلا يا بنت الاصول واعمل حاسبك يابن الحلال مش علشان بنتي والدها متوفي تستغلها وتقول ملهاش كبير لا اصحي وفوق انا اللي يقرب من بنتي اكله بسناني

" رحلت هي من أمامه بينما تلك الصدمات التي تلقاها تجلده بلا رحمه هل هي يتيمه هل سمح لنفسه ان يفعل بها كل هذا وهو يعلم أنها ستتعرض للمشاكل "

محمد بعصبية: أعمل اييييه اقتل نفسي وارتاح ولا أروح فين استغفر الله العظيم .

*****************************************

في منزل ساره *

احمد بصوت مرتفع -: يعني الراجل سابلك المخزن وبقي يد*كم في مكان المدرسة بتاعتكم واستحمل اسلوبك المهبب وطريقتك اللي مترضيش ربنا معاه وسكت وفوق ده كله عايزه تسيبيه طيب بصي من الاخر يا ساره

ساره ببكاء: يابابا حرام عليك بقي !

احمد بمقاطعة: خليني اكمل كلامي من الآخر هو ده المدرس اللي هتاخدي معاه السنتين الباقين واذا مكنش عاجبك اقعدي من التعليم

منال بصدمه: ليه ده كله يااحمد هو المدرس ده مافيش منه ولا ايه افرض البنت مش مرتاحه معاه

احمد: منال المدرس ده سألت عليه وطلع محترم وكمان ممتاز وكفايه أنه واخد باله من البنت ومن تعاملها في الدرس غير كده مابنعرفش عنها أي حاجه ولا عن مستواها

ساره : ده كله علشان اشتكي لك مني النهارده

احمد باستغراب: ليه انتي عملتي حاجه النهارده تاني !؟

ساره بهمس : معقول مش عرفهم باللي حصل ... احم مافيش يا بابا انا قصدي أنه دائما بيشتكي مني يعني

احمد : خلاص يا ساره النقاش في الموضوع انتهي اتفضلي روحي ذاكري

" تاففت وذهبت وهي تسبه وتلعنه في نفسها يبدو أن هذا الرجل سيصيبها بالجنون لتقرر هي الانتقام منه "

منال بعتاب : ليه كده يا احمد!؟

احمد بمكر : اسكتي انتي مش فاهمه حاجه هيبقي افهمك لما يجي الوقت المناسب

***************************************

في منزل سما-

فاتن بعصبية: والزفت ده معنتيش هتمسكيه الا لما تخلصي ثانويه خالص وبعد كده دروسك كلها مع ساره تروحي وتيجي معاها

سما بخضوع: حاضر يا ماما بس تفتكري بعد اللي عملته ساره ده انا همشي معاها تاني !؟

فاتن بدموع : عملت ايه هااا قالتلي بس انه بنتي اللي بثق فيها اكتر من نفسي ماشيه مع واحد

سما بحزن: انا اسفه يا ماما والله عارفه اني غلطانه ومافيش مبرر للي عملته بس ارجوكي سامحيني معنتش هكررها تاني

فاتن : اتفضلي علي اوضتك ذاكري وصلي خلي ربنا يغفرلك ربنا يا سما اللي كنتي بتخافي منه

سما ببكاء : يا ماما ارجوكي بلاش تقولي كده انا غلطت وعارفه أنه هيسامحني وبعدين دي مجرد مقا**ه هو انا كنت يعني ....

فاتن بصراخ: اسكتي متكمليش كان ماسك ايدك صح !!!؟ خرجتي معاه لوحدكم صح!!!؟ خروجه واحده بس واتجرء ومسك ايدك بعد كده ايه اللي هيحصل!!؟

سما بضعف بعد أن أدركت بشاعه ما قامت بفعله-: عندك حق يا ماما معلش ممكن الفون بس دقيقه!؟

فاتن بسخرية: ايه هتكلميه تعتذري له !؟

سما بنفي : لا والله هكلم ساره اعرف منها إذا كانت هتروح المدرسه بكره ولا لا

فاتن بهدوء: لسه واثقه فيكي يا سما وهد*كي الفون اتمني متخذلنيش!!؟

سما بحزن: وعد يا ماما عمري ما هخذلك تاني .

" اخذت منها الهاتف ودلفت الي الداخل لتجد منه رساله محتواها طويل لتقرر حظره من الهاتف ولكن هيهات فهي لن تفعل هذا بقلبها ابدا ورغم هذا القرار إلا أن قلبها أمرها بفتح الرساله لتجدها"

- بصي يا بنت الحلال اوعي تفكري اللي عملته معاكي يدل على حاجه لا انتي زي ساره وحبيبه اختي بالظبط ومافيش من ناحيتي حاجه ممكن تكون ليكي اسف اني سببتلك مشاكل سلام "

سما ببكاء: اااااه ليه كده ليه يا محمد تسيبني ... نظرت إلى نفسها بالمرأة فوجدت عقلها يجاوب عليها هل فعل شيء يدل أنه يحبك!!! انك فقط تتوهمين لما تتعاملي علي أساس أنه كان يعشقكك سابقا وتركك أنه فقط يراكي أخته أخته!!!! لا شئ انتي بالنسبه له انتي خاطئة انتي السبب انتي من فعلت بنفسك هذا

سما بصراخ: بسسس بقييي اسكتتتوو اااااه ليه يارب عملت فيا كده

- بعد أن استفاقت من دوامه كبيره من البكاء استغفرت ربها ولملمت شتات نفسها وعزمت أنها إن لم تستطيع اخراجه من قلبها ستدفن قلبها لا محاله!!

سما بحزم : المكالمه دي هقطع بيها كل حاجه تخليني اقابلك تاني يا محمد ..... الوو ايه يا ساره

ساره بضحك: علقه سخنه صح !!؟ البسي بقي والله غصبن عني علفكره هي شاف*ني وسالتني قولتلها لسه في الدرس بس هي لما حلف*ني حكيتلها بقي سوري

سما ببرود: مش عايزه اعرف السبب كل اللي هقولهولك تبعدي عني وهعتبر السنين اللي عشتها معاكي مجرد صحاب دراسه روحي يا بنتي ربنا يسامحك لاني مش هسامحك

ساره باستغراب: سما ايه الكلام ده... الووو الووو !!! دي عملتلي بلوك !؟ ايه اللي حصل لده كله

*****************************************

بعد مرور سنتان ونصف******

" استيقظت سما من نومها وأدت فرضها ثم نظرت إلى المرآة التي شهدت ضعفها و**رتها لتشهد كم أصبحت قويه يافعه عن ذي قبل غير بعض الهالات السوداء التي ظهرت بسبب المذاكرة لذا لم تكن بالجمال الكافي أيضا فهي مازالت لم تعامل نفسها كفتاه ولكن أصبحت لا بأس بهيئتها عن قبل "

فاتن بسعاده: بت يا سيمو بصي الفستان اللي فصلته علشان تروحي بيه فرح بنت خالتك

سما بابتسامه: جميل يا ماما بس لسه بدري اؤي علي فرحها

فاتن : معلش علشان وقتها مش تفضلي تزني علي دماغي ثانيا افطري قبل ما تروحي الدروس انتي مش شايفه وشك بقي عامل ازاي

سما بتنهيده حزينه: هعمل ايه بوشي يعني ياماما ... احم انا مش فاضيه اكل لسه ربع ساعة علي درس العربي يادوب الحق المواصلات

فاتن بقلق: ماشي يا بنتي ربنا يعدي الكام شهر دول علي خير في ثانويه ويرزقك باللي نفسك فيه

سما بتردد : تفتكري يا ماما هاخد اللي نفسي فيه!؟

فاتن بتأكيد: لو نصيبك في اي حاجه اعرفي انها هتكون ليكي مهما استحالت الأسباب

سما بحب: ربنا يخليكي ليا . مع السلامه

******************************************

في أحدي المقاهي الشعبية"

يحي بضحك: فاكر لما كنت بتقولي امتي نخلص كليه علشان نشتغل ادينا متلقحين علي القهوه اهو

محمد بتافف : اوف استغفر الله اسكت والنبي مش لما ابقي اخلص جيش الاؤل !؟

يحي : ايوه ياعم هتلبس سنه كامله خلصت ورقك ولا لسه !؟

محمد : ااه المفروض اروح أختم الورقه بكره وبعد كده اتوكل علي الله

يحي براحه: الحمد لله اني وحيد ... يلا ربنا معاكي يابني علي اللي تشوفه

محمد بثقه: الجيش للرجاله يا حلو مش للعيال التوتو

يحي بإحراج: قصفت جبهتي....

محمد بضحك: يخربيتك هتوحشني رخامتك ياد

يحي بحزن: والله كل ما افتكر أنهم هياخدو منك اي وسيله تواصل بزعل يعني سنه كامله وانت هتبقي بعيد عني

محمد : متقلقش اخوك هيتصرف ويكلمك ... المهم انت بقي دور علي شغل انزل تدريب متسكتش علي نفسك ولما اخلص السنه مش عايز الاقيك قاعد علي القهوه انت فاهم

يحي وهو يتوجه إليه ويحتضنه-: فاااهم هتوحشني ياصاحبي

محمد بابتسامه: وانت كمان يلا هتعوز مني حاجه اصل انا وعدت عمي اقعد معاه شويه قبل ما اسافر

يحي : ماشي ياخويا مع السلامه

" أخذته قدماه لذهب الي عمه ولكن عقله أخذه الي ذكريات ولحظات قليله ولكنها تؤثر فيه أكثر مما اثرت به محبوبته فيبدو أن تلك الصغيره أو لم تعد صغيره الان يبدو أنها احتلت مكانه لم يعلم هو مسماها في قلبه"

محمد بتفكير: ياتري بفكر فيها ليه !؟

***************************************

في منزل ساره*

عبد الرحمن بضيق: يابنتي ركزي اروح ادرس لك فين اكتر من بيتكم ولوحدك!؟

ساره بحزن: معلش يا مستر اسفه

عبد الرحمن بقلق : احم مالك بقالك مده من وقت ما صحبتك سابت الدرس وانتي مش بخير هو فيه بينكم مشاكل !؟ انا مابقتش اشوفها اصلا في منطقة الدروس

ساره ببكاء: هي نقلت دروسها بعيد عني أنا معملتش حاجه والله غصب عني مكنتش اعرف أن والدتها هتروح هناك انا كنت بهزر معاها بس مكنش قصدي اذيها والله

عبد الرحمن وهو يمسك يدها دون وعي: طيب اهدي يا ساره اهدي كل حاجه هتتحل شششششش متعيطيش

" نظرت له بضعف فوجدت في عينيه نظره قلق وحزن من اجلها فكم كذبت نفسها أنه يعشقها ولكن كل تصرفاته تدل علي هذا تن*دت بضيق من أفكارها لتجده محتوي يدها بين يديه وهو يمرر اصبع الإبهام عليهما "

ساره بخجل : معلش يا مستر انا أعصابي تعبانه شويه اكيد بسبب الثانوي وكده

عبد الرحمن بابتسامه: ولا يهمك أن شاء الله هتكوني في المكان اللي تحبي تكوني فيه .

ساره : يارب نفسي اؤي ادخل صيدله

عبد الرحمن: تعرفي انه حلمي كمان كان أنه ادخل صيدله بس ماحصلش نصيب

ساره بفضول لسماع المذيد منه-: ليه ايه اللي حصل

عبد الرحمن بمكر : اممممم نسيب الحصه بقي ونركز في التفاصيل

ساره بضيق: خلاص مش عايزه اعرف

عبد الرحمن بضحك: هشرح بس القاعدة دي ونحل عليها وهحكيلك ماشي

ساره بابتسامه: ماشي

****************************************

في الليل-

سما برجاء: والنبي يا ماما المستر منزل مراجعات كتير اوي وانا مش معايا الفون اشوفهم بس واقفل انا بقالي سنتين ونص ما مسكتوش حرام عليكي

فاتن : ياستار علي زنك يابنتي شكلك عايزه تسقطي ماله الفون النوكيا اللي معاكي

سما بسخريه: ده اخره يفتح لعبه الثعبان مش يفتح ملخصات هتديني الفون ولا لا بقي

فاتن : خدي ساعه واحده وهاخده تاني يا سما ولما تروحي الكليه هشتري لك واحد احسن من الاتنين دول

سما بلهفه: هاتي بقي ....

" أخذته ودلفت به الي الداخل فوجدت مئات الرسائل فنبض قلبها بعنف ظنا أن أحدي هذه الرسائل ستكون منه ولكن خالف توقعاتها فهو لم يحاول حتي التواصل معها من رقم اخر بعدما حظرته هي ولكن وجدت رسائل لا تعد ولا تحصى من صديقتها"

- كل محتواها ارجوكي ارجعيلي انا من غيرك ولا حاجه مافيش حاجه في حياتي حلوه غيرك ارجعي والنبي نفسي تكوني زي زمان صحبتي واختي سامحيني

سما بصدمه : كل ده يا ساره وانا اللي بقول انك نسيتيني انا لازم اروح لها بسرعه

" ارتدت ملابسها علي عجله من أمرها وركضت نحو الخارج"

فاتن : رايحه فين يا بت الوقت اتاخر

سما بلهفه: رايحه لساره يماما وهرجع بسرعه سلام

" لم تنتظر الرد وركضت لتصل إلي منزلها الذي يبتعد عنهم بخطوات"

فاتن بصدمه: علي الله حكايتك يابنتي مش دي اللي بقالك سنين مش بتكلميها ودلوقتي ملهوفه عليها لايكون البت ساره فيها حاجه!؟ جيب العواقب سليمة يارب.

*************************************

في منزل ساره*

سما بنهيج-: طنط منال فين ساره !!؟

منال بسعاده: سماا حبيبتي وحشتيني ليه الغيبه دي كلها ساره زعلت اؤي انك نقلتي الدروس وبقت لوحدها

سما بابتسامه: هرجع وهروح معاها كل الدروس بس هي فين !!!؟

منال : تحت بتاخد درس وزمانها هتخلص اقعدي استنيها ٠

سما براحه: اوووف اخيرا قعدت كنت هموت جريت زي الهبله في الشارع والله

منال بضحك: علشان تعرفيها الخبر بسرعه صح

سما : خبر ايه ده!؟

منال : انك هترجعي تاني تمشي معاها .... بس أقولك انا حاسه أنه كان فيه بينكم مشاكل

سما بحزن: اااه للاسف هبقي احكيلك عليها بس لما اشوف سوسو

منال بحب: ربنا يبعد عنكم المشاكل يابنتي ويخليكم اخوات وسند لبعض

سما بابتسامه: يارب .... اللي بره ده صوت عربيه المستر صح !!؟

منال بانتباه للصوت -: اه هي يبقي مشي انزلي ليها بقي

" ركضت سما بسعاده وهي تدندن اغنيه حتي تعثرت قدمها ووقعت علي شخص ولكنه لم يرتد من مكانه "

سما بغضب: ايه ياغ*ي مش تفتح!!!؟

محمد بعصبية -: انا بردو اللي غا..... سمااا!!!!؟

سما بصدمه ونظرت إلى مص*ر الصوت الذي لطالما طربت اذانها وقلبها بسماعه-: محمد!!!!!؟

*************************************

ستوووووب انتظروني في بارت جديد واحداث جديده قادمه من روايه ليته احبني ? تأليف وكتابه اسماء صلاح عبد الرؤوف تفاعلوا ? برجاء عدم النشر بدون أذني منعا المسائلة القانونية