ليته احبني ?

الفصل السابع

الفصل السابع من روايه ليته احبني ? تأليف وكتابه اسماء صلاح عبد الرؤوف تفاعلوا برجاء عدم النشر بدون أذني منعا المسائلة القانونية!

*********************************************

في منزل ساره٠٠٠٠٠٠

" لحظات مرت وهما ساكنين عدا عيونها التي تحكي عن حزن الفراق ولمعه الشوق عن قلب عاشق يرفرف من سعاده اللقاء وقلب فارغ لا يبالي بها كما ظنت هي "

سما بحزن : اسفه اني خبطتك عن اذنك

محمد بلهفه : استني يا سما عايز اقولك حاجه

سما وهي تهم بالركض حتي لا تعطي لنفسها المجال بالحديث معه مجددا-: ماينفعش اقف معاك عن اذنك

محمد بتسرع: سما انا مسافر !!

" توقفت هي وكان قدمها لم تعد تريد الابتعاد والتفت له بأعين تحمل معاني العتاب والحزن

محمد بهدوء: انا رايح الجيش وصدقيني كان نفسي اودعك انتي اول واحده بس عايز منك وعد !!؟

سما بخفوت: وايه هو الوعد ده !؟

" امسك بيدها بحركه غير متوقعه وهو يوجه هاتفها نحو عيونها -: لو فونك رن باسمي ردي عليا ارجوكي

سما بثقه : وايه اللي يخليني ارد عليك بصفتك ايه!؟

محمد بصدق-: صدقيني مش عارف بس لوقت ما أعرف هقولك أكيد

" حسنا يا قلبي ساستمع لك وانسي سنوات الحزن التي عشتها بسببه وانسي إهانته هذه المره أيضا ولكن ارجو الا تخذلني "

سما بابتسامه: خلاص ماشي مع السلامه

محمد بمشا**ه: مع السلامه بس !!؟

سما بعدم فهم-: اومال عايز ايه تاني ؟

محمد بضيق: مافيش يلا شوفي انتي كنتي رايحه فين

" قادتها قدمها الي اسفل وهي سعيده جدا هل هذا هو العشق يمحو أخطاء الماضي بكلمه !!؟ بنظره بابتسامه... الاجابه هي نعم فالعشق قادرا علي محو زلات الماضي ورسم الحاضر مجددا بطعم الحب والفرحة"

ساره بصدمه : سمااا!!!!!؟ انتي بتعملي ايه هنا

سما وهي تعانقها بقوه: وحشتني اوي ماقدرش اعيش من غيرك والله

سااره بدموع: لا قدرتي يا سما قدرتي تسيبني وتمشي حتي ماخلتنيش اشوفك ولا المحك وكانك كنتي قاصده مقابلكيش!!!؟

سما بندم : سامحيني والله شيطاني هو اللي اتغلب عليا عمري ما هسيبك تاني حتي لو عملتي ايه

ساره : بجد يا سما !؟ يعني سامحتيني

سما وهي توما لها بسعاده: اه طبعا سامحتك ولو كنت شوفتك قبل النهارده كنت هحضنك بردو الله اعلم السنين دي عدت عليا ازاي

ساره وهي تمسح دموعها: خلاص خلينا ننسي كل ده وخليكي معايا انتي هتباتي معايا النهارده

سما بابتسامه: ماما مش هترضي ثانيا عندكم ضيوف

ساره : مين محمد !!؟ هو ده ضيف وبعدين انا عارفه من زمان أنه جاي تعالي بس

سما بقله حيله: امري لله بقي .... اصبري اقول لماما في الفون يارب ترضي

ساره بحماس: ماااشي وانا هروح افضي لينا مكان نقعد فيه وكده كده محمد هيمشي الفجر

" لم تستمع لها سما بسبب انشغالها بحديثها مع والدتها "

******************************************

في شقه عبد الرحمن.......

شهد بفضول: اممممم وهي مشاعرها ايه من ناحيتك!!؟

عبد الرحمن: مش عارف ولا فاهم مره أحسها هي كمان معجبه ومره تقولي انت زي اخويا

شهد بتفكير: امممممم لا يقهر الانثي الا انثي زيها يا قلبي

عبد الرحمن بابتسامه: قولي يا سوسه قصدك ايه يعني اتجوز يعني !!!؟

شهد بضيق: الله يكون في عيونها والله ده كفايه غبائك عليها

عبد الرحمن بنرفزه: بنت!!!! انا اخوكي الكبير احترميني شويه

شهد : كده !!!! طيب ابقي خليك بقي لما هي اللي تتجوز

عبد الرحمن بلهفه: لا لا خلاص قولي انا اسف

شهد بانتصار: ايوه كده اتعدل وركز في اللي هقوله

عبد الرحمن: قولي يا نابغه عصرك !!؟

شهد : انت هتكلمني انا علي أساس اني حبيبتك وكده فاهي هتحس بالغيره وانت بقي تعرف حقيقه مشاعرها!

عبد الرحمن بصدمه: انتي ايه اللي عرفك بالحجات دي كلها !!!؟

شهد بغرور: يا بابا انا مبقتش صغيره ثانيا انا بنت وافهم دماغهم كويس

عبد الرحمن بمكر : والله فكره مش بطاله خالص لو نجحت الخطه ليكي عندي هديه كبيره

شهد بتمني : يارب تنجح الخطه

******************************************

في منزل ساره*

سما بهمس : ماشي يا ساره انا تعملي فيا المقلب ده !؟

ساره بضحك: منا قولتلك بس انتي كنتي بتكلمي طنط ومشغوله وبعدين هو هيبات في الصالون

سما : امي لو عرفت هتدبحني ....

ساره: ومين هيعرفها يعني متقلقيش انا هتصرف فكيها بقي مش شايفه الواد غلبان ازاي

سما بحنق: غلبان اؤي باين علي شكله

محمد : وبعدين بقي في الهمس الكتير ده اتكلمو بصوت يتسمع والا هنفكر انك بتقولوا حاجه غلط

سما : انت مالك افرض بنقول حاجه ومش عايزين نعرف حد !!؟

محمد باستفزاز: انا مش حد يا سما وانتي عارفه كده كويس

احمد : الله!!! انت عارف سما كمان !؟

محمد بخبث : هو في حد تايهه عنها يا عمي

سما : قصدك ايه يعني بالكلام ده

محمد وهو يتصنع البراءة: انا مش قصدي حاجه خالص

سما بنرفزه: ساره قومي نقعد في البلكونه

محمد : يلا يا ساره انا بحب أتف*ج علي المطر

احمد : روحوا وانا هبعتلكم منال بالشاي بقي في الجو ده يدفيكم

" ذهبو ثلاثتهم الي هناك وظل هو وساره يتبادلون أطراف الحديث ويضحكون بسعاده فتمنت هي أن تحصل على مثل هذه الأحاديث معه أو قليلها "

ساره : هروح انا اجيب الشاي بقي علشان الجو تلج

" ظل ال**ت هو سيد الموقف إلا أن قاطعه هو -: ايه يا سما ساكته ليه

سما بخجل : هقول ايه يعني !؟

محمد : شكل البرد ماثر عليكي اؤي

سما : اه فعلا هو البرد

محمد بنظره عميقه -: اممممم طيب فيه حلول للبرد ده

سما بابتسامه: سحلب صح هو مافيش غيره !

محمد بمكر : تؤتؤ حاجه من ثلاث حروف

سما : اممممم وبعدين يعني !!؟

محمد بضحك: خلاص ياستي انتي لونك اتخ*ف كده ليه ده مجرد هزار

سما بسعاده داخليه هل يمزح معي !!! هل ما تمنيته في لحظه قد اتي -: احم ماااشي

محمد : طيب ايه مش هتجيبي بقي !؟

سما بصدمه: اجيب ايه !!!!!

محمد بهدوء: الشال اللي عليكي ادفي بيه

سما بارتباك: هي ساره راحت فين

محمد: مش عارف ياريت مش تيجي دلوقتي علشان الوقت معاكي حلو اوي

" مهلا يا عشقي وألمي ستصيبني بالجنون حتما لمن كل هذا الكلام وهذه المغازله هل هي لي !!!!

سما بابتسامه: وانت بردو الكلام معاك حلو

محمد يتصنع الحزن: الكلام بس!!!؟

سما وهي تشعر أنها ستنصهر خجلا: ياا سااااره انتي فين

ساره وهي تدلف لهم بمكر : امممممم انا هنا من ساعه الدفا والحجات الحلوه دي

سما بخجل: انا هدخل جوا وانتو خليكم انا هنام

ساره : بلكونه اوضتي دي مب**كه صح يا باشا

محمد بضيق: هو طول مانتي بتطبي عليا زي القضي المستعجل كده هتبقي مب**كه

ساره بغيظ : حيلك حيلك يا امور مش تنسي اصحابك بس وبعدين دي صحبتي يعني بكلمه واحده أبوظ كل حاجه

محمد بهمس : وهو فيه ايه اصلا علشان تبوظيه دي مجرد صداقه!

ساره بتهديد: عارف لو حاجه حصلت من ورايا هعمل ايه فيكي

محمد : عيب عليكي يلا ندخل الجو برد اؤي

" دلف الي الداخل فوجدها نائمه بعمق ولكنها متكوره علي نفسها وترتجف بردا "

ساره بصدمه : اطلع يابني برا بتعمل ايه !!

" لم يعيرها اهتمام وذهب إليها ووضع الغطاء واحكمه حولها ولم يمنع يده من التربيت علي خدها لتبتسم هي وكأنها تشعر به"

ساره بمكر : بغض النظر أن اللي عملته ده ميصحش بس واضح انها مجرد صداقه

محمد بتحذير: عارفه لو عرفت باللي عملته يا سوسو هعمل فيكي ايه!!!؟

ساره باستغلال -: شخلل جيوبك وانا مش هقولها

محمد بضحك: هتفلسيني بس ماشي مردودالك قريب

ساره : يلا بقي اطلع نام بره علشان ننام إحنا كمان عندنا دروس

محمد: ابقي قابلييني انتي وهي لو حصلتم معهد سواقه عربيات

****************************************

في الصباح*

سما بضحك مكتوم : والله احنا مجانين ايه عمايل العيال دي

ساره : بس اسكتي علشان مش يصحي هروح أجهز فطار وانتي راقبيه لما يصحي صوريه

سما بخوف: افرض صحي قبل ما تيجي !!؟

ساره بلا مبالاة: عادي يا بنتي إحنا بس حطينا في ايده حته كريمه لما تلزق في وشه هتكوني انتي صورتي واطلعي اجري

سما : ربنا يهد*كي يا ساره انتي وعمايلك

" ذهبت ساره الي المطبخ وهي تمسك بيدها ورقه من النقود فماهي الا خطته من أجل أن يحظي بوقت فراغ معها "

سما وهي تتوجه نحوه : لا انا هشيل الكريمه دي قبل ما يصحي ليقول عليا طفله

" اقتربت منه لتمسح الكريمه الموضوعه علي يده ولكنه امسك بها وقربها من وجهه وطبع قبله علي جبينها فصرخت هي بخوف "

سما بصراخ: انت ازاااااي تعمل كده انت مجنون!!!! طبعا أنا اللي غلطانه انا اللي سمحت لنفسي اكون معاك في مكان لوحدنا من حقك تفكر فيا كده

" كاد أن يعتذر فهو بالفعل لم يدري بنفسه ولا بأفعاله ولكنه علم أنها لن تسامحه فقرر قلب الخطه"

محمد بهلوسه: حبيبه انتي فين رحتي فين !!!!؟ انا هنا بعمل ايه !!!؟؟

سما بهمس : ده مكنش يعرف أنه انا الحمد لله !!!

محمد باستغراب متقن : انتي هنا بتعملي اي ....

سما بارتباك: انا بس ساره قالتلي اصحيك علشان تفطر قبل ما تسافر

محمد : اااه انا نسيت اني هنا اصلا النوم كان حلو اوي

سما بدموع: طيب انا هروح اشوفها واجي

" رحلت من امامه وهي تبكي على ما فعله وهو لا يدري فانب نفسه علي ما يقترفه بحق فتاه لا يدري ما هي مكانتها بقلبه هل تستغل كونها تحبك في فعل اشياء كهذه بها !!!؟ "

محمد بحزن: الحمد لله اني ماشي لاني مبقتش عارف ايه اللي بعمله في نفسي ده

.......... في أثناء الافطار..............

منال : كلي يا سما علشان الدروس قدامكم لآخر اليوم لما تاكلو

ساره بضيق: طول اليوم اكل من بره لما زهقت امتي بقي نخلص من السنه دي ونروح الكليه ونرتاح

محمد بضحك: ترتاحوو ااااه يابنتي دي كدبه اعرفي انه الكليه اصعب بكتير من ثانوي وخصوصاً لو معهد سواقه عربيات

سما بابتسامه: انت ادري عن المعهد ده اكيد كنت بتمسح العربيات اللي فيه

محمد بثقه : انا يا حلوه خريج كليه العلوم اللي انتي اصلا عمرك ما توصلي ليها

سما بثقه: هدخل كليه شرطه أو اي حاجه تبع الجيش ومش عايزه اي كليه من دي اصلا

محمد بتسرع: وانتي ابوكي بقي وزير الداخلية علشان يدخلك الكليه دي

" عض علي شفتيه بندم عندما تذكر أن والدها متوفي فها هو يرتكب الحماقات مجدداً معها وجهه أنظاره نحوها فوجدها تشرب القهوه رغما عنها وهي تجاهد دموعها الا تنزل ولكنه شعر بدموعها تحرق قلبه هو "

محمد بضيق: انا هتوكل علي الله بقي علشان الحق اسلم علي العيله قبل ما امشي عايزين حاجه !!؟

منال: بالسلامه يا حبيبي عارف لو عمك احمد هنا كنت خليته يوصلك بس مشي راح الشغل ت

محمد : لا متشغليش نفسك انا هتصرف سلام .... سما بعد اذنك ثانيه عايزك !!!؟

سما بإحراج: خير !!!؟

محمد : تعالي بس هقولك كلمه

" ذهبت معه وهي تلعن بسرها هذا الموقف المحرج أمامهم"

منال بهدوء: اخيرا ابن عمك طلع بيفهم وهيعتذر منها .

ساره بحزن: والله صعبت عليا اوي يا ماما سما كانت متعلقه بوالدها اؤي وهي بتحاول تكون كويسه اصلا ويجي الغ*ي ابن عمي يكمل عليها!

منال : ربنا يهديه

*****************************************

محمد بندم : اسف يا سما علي التسرع ده انا فعلا ماكنش قصدي اجرحك

سما بهدوء: عادي محصلش حاجه انا مش بعاتب علي زلات ا****ن وكنت عارفه انك متقصدش

محمد : وعرفتي ازاي بقي يا ست سما !!!؟

سما وهي تنظر له : قلبي بيقولي كل حاجه عن اللي قدامي

محمد بابتسامه: يا بخته قلبك ده ياما نفسي اعرف كل حاجه عن اللي قدامي

سما بخجل : هتتاخر كده مع السلامه

محمد: سما معلش ممكن اعمل حاجه ومتزعليش !!؟

سما بنفي:هو اكيد مش هزعل منك بس علي حسب عايز تعمل ايه !!؟

" لم يدع مجالا للاستفسار ولكن لبي نداء قلبه وامسك يدها ونظر في عيونها وكأنه يودع ملامحها لا يعلم لما فعل هذا ولم يعلم أيضا ما يشعر به تجاهها عداا أنه يشعر بالراحة بقربها .... اماهي واااه مما تفعله بها نفسها فهي مؤنبه عاشقه تحبه ولكن تخشي الذنب الذي تقترفه هي تعشقه ولكنها لا تعلم هل سيكون لها أم لا هل أفعاله تدل علي أنه أيضا يحبها ام مجرد نزوه بالنسبه له "

محمد بابتسامه: استودعك الله الذي لا تضيع ودائعه أبدا

سما بحزن لرحيله: مع السلامه خد بالك من نفسك

محمد : وانتي كمان.... سمااا!!!؟

سما بلهفه : نعم !!! عايز حاجه

محمد برجاء: ما تنسيش لو فونك نور باسمي !

سما بابتسامه: هرد عليه مع السلامه

" رحل هو ليبتعد عنها سنه اخري ماذا يريد الفراق منها فهي قد تمنت نظره واحده فقط منه ولكن القدر أعطاها الكثير ولكن مثلما اعطاها فقد سلبه منها مجدداً ولن تري وجهه لسنه كامله ولكن يكفي أن تستمع الي صوته حتي وان كانت لن تراه مجددا"

سما بهمس : مع السلامه يا حبيبي

ساره بضحك: كنت عارفه والله بتحبو بعض

سما بخضه: يخربيتك انتي واقفه ورايا بتعملي ايه

ساره بخبث: ولا حاجه انا مستنيه المستر بتاعي بس لقيت وداني جيباني عندكم يلا يا ست العاشقه المستر زمانه جاي

سما : انتي بتقولي فيها عربيته بتتركن اهيه يلا ننزل بس اشمعنا جاي بدري كده هو مش بيد*كي بالليل

ساره : علشان رايح يقدم علي وظيفه في المدرسة بتاعتنا

سما بمكر : وانتي ايه عرفك !؟

ساره : ماهو بيحكيلي كل حاجه عنه بس يعني ... حساه معجب بيا

..... حساااه معجب بيكي مش متاكده !!!؟

ساره بصدمه: مستر عبد الرحمن انت هنا!!!!!

**************************************

ستوووووب انتظروني في بارت جديد واحداث جديده قادمه من روايه ليته احبني ? تأليف وكتابه اسماء صلاح عبد الرؤوف تفاعلوا برجاء عدم النشر بدون أذني منعا المسائلة القانونية