ليته احبني ?

الفصل الثامن

الفصل الثامن من روايه ليته احبني ? تأليف وكتابه اسماء صلاح عبد الرؤوف تفاعلوا برجاء عدم النشر بدون أذني منعا المسائلة القانونية....

******************************************

ساره بصدمه: مستر عبد الرحمن انت هنا !!!

عبد الرحمن: ايوه مين ده اللي معجب بيكي مافهمتش !؟

ساره بإحراج: ماحدش احنا كنا بنهزر

عبد الرحمن بغيره: اكيد لازم تكوني بتهزري والا اقسم بالله اقتلك واقتله

ساره باستغراب: تقتله!!!؟ قصدك علي مين

عبد الرحمن: علي البيه اللي بتقولي أنه معجب بيكي

سما بهمس : يبقي ماسمعش حاجه .

ساره براحه: الحمد لله... احم لا بهزر يا مستر

عبد الرحمن: حمد لله على السلامه يا سما يلا علشان تاخدو الحصه لاني مش فاضي

" افي أثناء الحصه كان عبد الرحمن ينظر لها من حين لآخر وهي تخجل"

عبد الرحمن: الوو ازيك يا قلبي وحشتيني

شهد بضحك: قلبك !! اااه يبقي انت قدام المزه اشجيني

عبد الرحمن: حاضر هخرجك والله بس لما اخلص الحصه

سما بمكر : الظاهره دي مابقتش مريحاني!!! هو فيه ايه

ساره بغيره : باين من ضحكته وكلامه أنها حبيبته

سما : وانتي متضايقه ليه !!!؟

ساره بعصبيه : مش مضايقه انا مبحبش حاجات زي دي تأثر علي شرحه لينا في الدرس

عبد الرحمن: احم معلش يا جماعه... المهم كنا فين

ساره : كنا في الخروجه يا مستر بتاعه قلبك

عبد الرحمن بمكر : انا قصدي في الحصه وبعدين مارك يا انسه ساره مش علي بعضك

ساره بغضب: عايز تتكلم في الفون يبقي متديش درس احسن

سما : اهدي يا ساره لايفهمك غلط

ساره ببرود: مالي يعني يا مستر انا كويسه جدا

سما : يا مستر انا عندي درس تاني من فضلك يلا

عبد الرحمن: انا كده خلصت النهارده معلش علشان المشوار اللي ورايا وهعوضلكم الحصه

سما وهي تمسك بحقيبتها-: بصي هروح اغير هدومي في البيت لما انتي تخلصي وهعدي عليكي

" رحلت بينما هي لملمت أغراضها بضيق واضح وهو ينظر لها مطولا "

عبد الرحمن: ساره انا بحبك

ساره بصدمه : نعم !!!!!!!!!!

عبد الرحمن: عارف انه مش وقته وعارف كمان اني غلطت باني ابص الي تلميذه واكلمها في غير في حدود الدرس بس فعلا من اول يوم شوفتك فيه وانتي مش بتروحي من بالي وخلاص كلها كام حصه وتقرب الامتحانات وانا همشي للابد بس كنت عايز امشي وارجعلك انتي

ساره بدموع: انا اسفه يا مستر بس اللي بتفكر فيه ده مستحيل

عبد الرحمن: ليه مستحيل!!؟ انا لسه متخرج علفكره يعني مش كبير وكمان عايزك في الحلال يعني هتقدم لوالدك ونتخطب لوقت ما تحبي بس ده طبعا لما تخلصي امتحانات

ساره بتوتر : لما اخلص امتحانات يحلها ربنا

عبد الرحمن بابتسامه: افهم أن دي موافقه مقدما !!!؟

ساره بخجل : أن شاء الله

عبد الرحمن: طيب وبعدين يعني !!!؟

ساره : بعدين ايه !!

عبد الرحمن: انا اعترفت باللي في قلبي وانتي قلبك مافيهوش اي حاجه تعترف ولا ايه

ساره بارتباك: معلش يا مستر انا عندي درس

عبد الرحمن بابتسامه: ماشي اهربي براحتك بس أنا هعرف يعني هعرف

" اخذت حقيبتها ورحلت بسرعه من امامه وهي تبتسم بخجل "

ساره بتذكر : نسيت اقوله مين اللي كانت بتكلمك في الفون

تحدث عبد الرحمن من ورائها-: دي شهد اختي !

ساره بهدوء: ربنا يخليهالك عن اذنك ....

عبد الرحمن بهيام: ويخليكي ليا

********************************************

في منزل سما ......

" ظلت تقلب هاتفها بملل فتاره تنظر إلى الرسائل وتاره تنظر إلي الساعه الن يحدثها الان مهلا يا سما لقد سافر لتوه وذكر امامها أنه من الممكن أن يأخذوا منه هاتفه"

سما باشتياق: وبعدين بقي انا هستحمل السنه دي كلها وهو بعيد عني ازاي

فاتن بمكر : هتستحمليها يا حبيبتي

سما بخضه: ماما !!!! انتي سمعتي

فاتن : والله اخر كلمه بس اللي سمعتها .... هو مسافر ولا ايه !!!؟

سما بحزن : اسفه يا ماما انا وعدتك مش أجيب سيرته تاني بس غصبن عني والله

فاتن بابتسامه: وعدتيني مش تجيبي سيرته بس ماقدرش اخليكي توعديني متفكريش فيه لاني عارفه وحاسه باللي بيكي ولو مكنتش عملت كده زماان كنتي دلوقتي وقعتي في الغلط وزي ما قولتلك مهما تفكري فيه لو نصيبك هيكون ليكي اكيد ولو مش نصيبك لو عملتي ايه تمام!!؟

سما : فهماكي يا ماما بس تفتكري هيحبني !!؟

فاتن : انتي اي حد يتمني يحبك انتي كنز غالي اوي علي اي حد فا مش هيوصلك الا اللي يستحقك فهمتي

سما بابتسامه: تصدقي ساعات بحس انك واحده صحبتي

فاتن : يا بكاشه ما علينا مستر أحمد اتصل وقال مفيش درس النهارده يعني هتقضيها نوم

سما باستغراب: ليه مافيش درس !!! الامتحانات قربت تلاقيه هيبطل يدي درس زي بقيه المدرسين علشان يقولنا ذاكرو

فاتن بحنق : والله ربنا يكون في عونك ده المفروض يكونوا معاكم الفتره دي لأن معظم الطلبه مش هتذاكر اصلا من غير مدرس

سما : مش عارفه بقي يا ماما يعني النهارده لازم أراجع علي منهج العربي من الاؤل

فاتن : ربنا يوفقك يا بنتي بس مافيش مراجعه الا لما ترتاحي شويه علشان تقدري تذاكري

سما بنعاس : اه والله عايزه انام تصبحي علي خير

" أغلقت باب الغرفه وخرجت بينما نظرت سما بطرف عينها فوجدت والدتها قدر رحلت فامسكت بالهاتف وظلت تقلب بملل إلا أن وصلتها رساله منه فتحتها بلهفه"

- مش قولتلك هتف*ج

سما بفرح : ازاي عرفت تدخل الفون

محمد بغرور: طبعا يا بنتي وأقدر اعمل اكتر من كده بس لو اتقفشت بيه هيمرجحوني

سما بعدم فهم: يمرجحوك!!!! ما علينا ربنا يسترها معاك

محمد : المهم انتي عامله ايه

سما : الحمد لله

محمد : بتذاكري طيب ولا مقضياها رغي معايا !!؟

سما بضيق: لا مش بذاكر ولا بفتح كتاب

محمد : صباحك عسل احنا كده في الضياع لا لازم تذاكري علشان تبقي حاجه حلوه كده وتشرفيهم

سما : انا بهزر اكيد يعني بذاكر وانت !!!؟

محمد برفعه حاجب-: انا ايه بذاكر يعني ولا ايه !!؟

سما بمكر : لا ... قصدي بتحمي سيناء ولا مقضيها رغي معايا !؟

محمد بضحك: بتردهالي ماشي يا ستي علي العموم احنا لسه في مركز تدريب وطالما حضرتك بصيتي فيها يبقي هروح سيناء فعلا

سما بقلق : هي سيناء دي وحشه يعني ولا ايه !؟

محمد : لا طبعا مش وحشه بس علشان فيها قلق شويه بس متخافيش انا قدها طبعا

سما بخفوت: ربنا يرجعك بالسلامه

محمد : ليه انا نفسي اموت اصلا

سما بخضه: ليه بتقول كده بعد الشر عليك الدنيا فيها حجات كتير حلوه

محمد بحزن: الدنيا دي خدت مني كل حاجه حلوه اؤلهم حبيبتي

سما بصدمه : حبيبتك !!!! انت حبيت قبل كده

محمد : ويارتيني ما حبيت جرحتني وسابتني وفوق ده كله يوصلني أنها اتجوزت النهارده

سما بحزن : غ*يه اؤي أنها تسيبك ربنا يرزقك بالاحسن منها

محمد برفض : لا لا معنتش عايز خلاص انا لما افكر اتجوز هجيب اي واحده محترمه تحافظ علي البيت والعيال لكن حب انا قفلته خلاص

سما ب**ره: هو انت لسه بتحبها!!!؟

محمد بصدق: ايوه بحبها اوي ولو حصلت واطلقت هتجوزها تاني

سما بدموع: اااه يا محمد الحمد لله أنه الكلام ده شات ومش قصاد عيني والا كنت هتشهد علي ضعفي و**رتي

محمد : ساكته ليه !!!؟ علفكره بقي انا برتاح في الكلام معاكي اؤي

سما بحزن: وانا كمان ....بس معلش لازم اذاكر علشان ماما لو دخلت ولقتني مش بذاكر هتزعل مني

محمد : معلش يا سما ممكن سؤال !!؟

سما بترقب : اتفضل!!!

محمد : هو والدك توفي امتي وازاي ؟

سما بحزن : بابا توفي من وانا عندي عشر سنين وانا في حضنه كان عنده القلب والله يرحمه

محمد بتنهيده: اااه يا سما بتصعبيها عليا معرفش ليه وانا بكلمك بكون عايز اخدك في حضني واطمنك واعوضك عن ده كله بس مش بأيدي لاني مش عارف حقيقه مشاعري تجاهي

سما : حضرتك عايز تسال حاجه تاني ولا أروح اذاكر !!؟

محمد بضيق: لا حضرتي مش عايز يسأل حاجه تاني

سما بضعف : تمام سلام

محمد : سماا!!!!!

سما : نعم ؟

محمد بحزم : ........

*************************************

في منزل ساره.....

احمد : يعني انتي موافقه !!؟

ساره بتردد: مش عارفه يا بابا هو قالك أنه هيتقدم امتي

احمد : قال إنه جاهز من دلوقتي بس مش عايز اي حفله خطوبه غير بعد الامتحانات علشان مياثرش علي مذاكرتك

ساره : والله اللي تشوفه يا بابا انا عن نفسي موافقه عليه

منال بسعاده : الحمد لله ربنا يسعدك

احمد بضيق : ده واضح انها مكنتش حصص درس !؟

ساره بخجل : والله يابابا هو ما عملش حاجه خالص تدل علي كده انا لسه عارفه النهارده من حضرتك

احمد : خلاص ادخلي انتي ذاكري وانا هشوف

دلفت الي الغرفه فوجدت شاشه هاتفها تنير باسمه فنبض قلبها بعنف "

عبد الرحمن: وحشتيني اوي

ساره بضحك: ايه الدخله دي هو انت لحقت !؟

عبد الرحمن: اعمل ايه ثانيا انا بحبك من سنين وحضرتك مش واخده بالك

ساره : ومين قالك اني مش واخده بالي بس أنا كنت بطنش بقول مراهقه وتروح لحالها

عبد الرحمن: مين المراهق بقي !؟ انا ولا انتي

ساره بمكر : اللي بيحبني طبعا

عبد الرحمن بضيق : اممممم وانتي شيفاني مراهق حقك تقولي كده مانا مصبرتش علي نفسي وعرفتك

ساره بلا مبالاة: اصل انا مواصفات فتي احلامي انه يكون مش مصري بس خلاص بقي شكلها هترسي علي المصري

عبد الرحمن : طيب يا ساره عايزه حاجه!!!؟

ساره : ليه هتقفل ولا ايه !؟

عبد الرحمن: اه هقفل طالما هنقضيها رخامه علي بعض

ساره بضحك: خلاص متزعلش هو فيه احلي من المصري

عبد الرحمن بابتسامه: ايوه كده اتعدلي .... وبعدين مش كفايه سمعتي اللي ضاعت بسببك مين هيرضي ياخد درس عندي بعد ما حبيت طالبه واتجوزتها

ساره : احنا لسه علي البر متعرفش حد ومش نتجوز وانت تفضل المستر المحترم

عبد الرحمن بغضب: ساره مبحبش الأسلوب ده انتي طريقتك وحشه معايا

ساره : والله ده اللي عندي وهي دي طريقتي

عبد الرحمن: علفكره بقي انا بسميه غرور اللي بتعمليه ده هو علشان حبيتك تعامليني كده !!!!

ساره : طيب سلام يا عبد الرحمن طالما شايفني كده بقي

عبد الرحمن: سلام ...

ساره : احنا احسن لنا نلغي الموضوع ده لاننا مش متفاهمين

عبد الرحمن: .......

**************************************

في منزل سما .....

سما : مش بترد ليه كنت عايز تقول ايه !!؟

محمد : ردي علي الفون لو سمحتي

سما بتوتر: ماشي بس هكلمك بصوت واطي علشان ماما متسمعنيش

محمد : ماااشي

" اعلن هاتفها عن اتصال منه "

سما بخجل : احم الوووو

محمد بضحك: انتي عامله زي الحرامي كده ليه

سما بحنق : مانت اللي بترن في وقت الكل صاحي فيه

محمد بمكر : خلاص بعد كده هرن عليكي بالليل

سما بضحك : يوه بقي عايز ايه !؟

محمد : ضحكتك حلوه اوي اوعي تبطلي تضحكي

سما : بردو مقولتش عايز ايه

محمد بحزم : اااه من هنا ورايح تعرفيني كل كبيره وصغيره عنك يا سما كل تحركاتك وبتعملي ايه في يومك وكل ده

سما بتوتر: اشمعنا بقي !!!؟

محمد : هو كده وبعدين انتي اختي الصغيره ولازم أحافظ عليك

سما بحزن: اختك!!!!؟

محمد بهدوء: اه اختي زي ما قولتلك انتي عندي زي حبيبه وساره وانا بعرف عنهم كل حاجه فا لازم اعرف عنك انتي كمان

سما : محمد !!! فاكر لما كنت بتقولي بصيلي وما تبصيش علي الولد اللي بيلعب كوره

محمد : اه فاكر كنت بقولك كده علشان مرضاش اختي تبص علي حد

" صدمات تليها صدمات هل كل ما يفعله فقط لانه يراها أخته لا هي تري بعينيه مشاعر من أجلها لأن أصدقه ولن احزن فهو يراوغني "

سما بمكر : ماشي هطلع بس اشوف ابن عمي عايز ايه

محمد بضيق: مين ابن عمك ده !!؟

سما : اسمه علي اسمك علفكره بيبقي يجي يقعد معايا بيفطسني من الضحك

محمد : امممممم لا مش هتروحي في حته خليكي هنا واي رايك اني مش هقفل الفون وهفضل اكلمك

سما بابتسامه: ايوه بس هو واقف بره اقوله ايه !!؟

محمد بغضب : ما يقف ولا يتفلق سما متعصبنيش عليكي قولتلك مش هتتنقلي من هنا

سما : طيب هطلع فوق السطح اكلمك علشان ماما متسمعنيش

محمد : ماشي بس خليكي معايا علي الخط

سما : ماشي ....... ماما هطلع اشم شويه هوا فوق

فاتن : لسه بدري علي الغروب يا سما الجو برد فوق

سما برجاء : والله يا ماما مخنوقه اوي عايزه اقعد شويه لوحد

فاتن : ماشي يا حبيبتي بس خدي الشال عليكي من البرد

سما : حاضر .....

فاتن : وانا غسلتلك البتاعه اللي كنتي قيلالي عليها

سما بصراخ: مامااااا خلاااص عرفت حاضر هلم الغسيل

فاتن : مالك يا بت صرعتيني هو فيه حد معانا!!؟

سما بخجل : يوه بقي انا طالعه سلام

فاتن بضحك: وش **وف اؤي البت

محمد بضحك : مش قادر والله .... بتاعه ايه دي يا سما اللي بتصرخي علشانها

سما بإحراج: دي طرحه بس امي صرعتني بيها كل شويه تقولي روحي لمي الغسيل وهاتيها

محمد : ممممم المهم هو انتي كنتي مفكره اني لما كلمتك بالطريقة دي ايه !!!؟

سما بحزن: فكرتك ........

*****************************************

ستوووووب انتظروني في بارت جديد واحداث جديده قادمه من روايه ليته احبني ? تأليف وكتابه اسماء صلاح عبد الرؤوف تفاعلوا برجاء عدم النشر بدون أذني منعا المسائلة القانونية