لهيب الانتقام

الفصل السابع و الثامن و التاسع

لهيب الانتقام

الحلقه 7

فنظر هاشم لجميله ويوسف

اني ماشي بس معاود لبيتي تاني

فاعطياه ظهرهما

فانصرف هاشم

وذهب فورا لامه واخواته واجتمع بهم ليقص عليهم ماحدث بعد قلقهم عليه عندما راوا رأسه ملفوفه هكذا بالشاش

امه:عملو فيك ايه ياولدي

قلتلك بناقص الهم ده

هاشم :ماتخافيش ياماي

دا الغفير الغشيم بتاعهم خدني علي خوانه بس اتحدتت معاهم وهنروح كلياتنا من بكره القصر

امه:لا روحو انتو اني اهنه ف بيتي خدت عليه

هاشم وانتي اولنا ولازم تخشيه مرفوعه الراس كيف ما طردوكي منه

عتخشيه معززه مكرمه ورجلك فوق رجلنا

امه:خلاص ياولدي ماتتعصبش عليا اكده اني بس هروح معاك لكن لو مارتحتش هعاود داري اني خدت ع البيت واهل البلد اهنه

هاشم :لما ياجي وجتها يحلها الحلال

المهم نروح كلياتنا بكره

......._______........

نوح :هنعمل ايه يافالح

جاي اتوحشته جوي وبتحضن فيه

همام :امال عاوزنا نشد احنا التنين لازم واحد يشد وواحد يرخي عاد

نوح :صابحه غذته حقد وغل

همام:صابحه الهبله

نوح :امال مين عاد وهبه كان طيب وغلبان ده طالع اكده لمين

فينظر همام لاخيه

وببتسامه ساخره

ماعرفش طالع لمين اياك

ده شاربها منك شرب

نوح :واه انت معانا ولا معاه

همام:خلينا ف المهم عاد

لازمن هياخد حجه تالت ومتلت ده شكله محامي عجر وعارف بيعمل ايه وعنده ثقه كبيره ف نفسه

نوح :يعني هياخد ارضنا اكده ويروح يبيع ويشتري فينا

همام:تعال ف المكتب رايدك ف موضوع

ودخل واغلق الباب

شوف هو اكده ولا اكده هياخد حقه بس عاوزينه يبجي ف يدنا مايطيرش منينا لحد تاني

نوح:كيف يعني

هو عنده اخت نجوزها ليوسف ونضمن ورثها تحت يدنا

نوح :وهاشم

همام:نجوزه جميله ويبقي تحت طوعك وماهيخرجش الورث بره احفادك

نوح :واشمعنه انا

همام:ابه بتي لسه صغار ف ثانوي

ثم بتك واعره ومايضحكش عليها وهتمشيه ع العجين مايلخبطوش

وهيبقي كل الورث ف عبك

نوح :طب يوسف سهل نقنعه لكن جميله عنعملو ايه معاها

همام:دي بتك وت**ر دماغها

نوح :مش جميله ياهمام انت خابر

همام :اني هجولك تعمل ايه وهمس لهبالخطه

نوح :يابن ال....

دانت شيطان

همام:الحق عليا هي مابتجيش غير باكده

.......___________....

يوسف :شوفتي المعفن الجربوع ده

جاى وهيعيشوا معانا اهنه كمان ده مرار طافح

يعني افوت داري عشانهم

جميله:ماتتحركش بقي اما اطهرلك الشلفطه اللي عملها فيك ايده مرزبه

منه لله ربنا ياخده

الهي يعملو حادثه بربطه المعلم وهم جايين

يوسف :ايه ياواد ياشرس ده انت بقيت خطر اوي

ماتيجي ندعي عليهم للصبح

دا اللي قدرك ربنا عليه اخلصي بقي دانتي دكتوره فاشله

جميله تض*به ف ص*ره بقي انا دكتوره فاشله طب قوم هسيبك سايح ف دمك اكده وابقي اتحايل عليا

يوسف :يلا ابت اخلصي دي هتعملي فيها دكتوره بصحيح

خلينا نتخمد ورانا مرار طافح بكره

وخرج نوح وهمام

يوسف:انت هتهملهم ياجو يبرتعو اهنه

نوح :بس ياولد دول ولاد عمك

يوسف ابه وخبط الكرسي وهو ماشي وايضا جميله طلعت وراه متضايقه

نوح :اني مش هتحدت ف الموضوع الا اما تكلم هاشم ف الموضوع ويوافجوا مش اني اعمل مع ولادي مشكله ع الفاضي والاخر هاشم يتمرع علينا ومايوافقش

وانت هم وخلص ف الموضوع اما ياجي باكر قبل الحسابات واكده

همام:ماشي ياخوي

لهيب الانتقام

الحلقه 8

اخذ هاشم اهله الي القصر

وكان الجميع باستقبالهم ف الداخل

هاشم: اتفضلي ياماي ويقبل يدها

صابحه :تسلم ياعيني

فاتنرفز يوسف اني ماشي واخذ ف وشه وخبط ف راويه

فتاوهت مش تفتح يالوح

يوسف :اني لوح يابنت وينظر لصابحه

مابجاش الا الخدامين كمان اللي يرفعو صوتهم علينا ونظر لها نظره احتقار ومشي

راويه:انسان مغرورمستفز

اما همام فنادي علي هاشم لياخذه ف المكتب في موضوع هام

وترك جميله ترحب براويه فهما من نفس السن تقريبا ولكن جميله اكبر بسنه

جميله:اني سمعت انك مدرسه

راويه:ايوه اني مدرسه ف مدرسه حدانا ف البلد

وانتي درستي ايه

جميله:انا اتخرجت من طب بجيت دكتوره ف الوحده الصحيه حدانا

راويه:ماشاء الله بت عمي ضاكتوره حته واحده

جميله :لاه حتتين ونص

راويه:الله يحظك ياجميله

كان نفسي يبجي ليا اخت بس مع الاسف

جميله:واني كمان بس يوسف بيحاول يسد الفراغ ده واحنا اصحاب

راويه:اباي عليه وده يتصاحب من انهي يامه ده

جميله:بجي يوسف تجولي عليه اكده امال هاشم ده التور الهايج

يتجال عليه ايه

راويه:هاشم دي طيبه الدنيا كلاتها فيه بس هو ماشافش شويه وبعد موت بوي بجي مسؤل عنا حتي جبل موته

شاف المرار وماعاش طفولته

جميله:سيبك من السيره اللي تسد النفس دي نسينا نرحب بخاله صابحه

كيفك ياخاله

صابحه:بخير يابنيتي

جميله وانتي جميله صوح

اسم علي مسمي شبه امك امال هي فين

جميله:الله يرحمها ياخاله

صابحه :واااه ماتت ياكبدي كانت جميله صوح وهاديه وبنت اصول

وانتي زييها يابنيتي

جميله:متشكره ياخاله

وانت يااحمد سمعت انك صيدله لو احتجت حاجه ولا مساعده اني كنت شاطره ف الفارما جولي واساعدك

احمد؛ متشكر يا دكتوره

جميله:ايه دكتوره دي عاوزني اجولك يادكتور ولا ايه احنا ولاد عم اني جلتلك احمد تجولي جميله

صابحه :ربنا يحفظك يابنيتي

وجاءت سمرا

ايه ده احنا عندنا ضيوف ولا ايه

جميله :همي يابت سلمي علي ولد عمك احمد وبت عمك راويه والكبير جوه مع بوكي وتقولها بارف

سمرا:ولاد عمي مين عاد هو ابوكي اتجوز علي امك

جميله:لا ياهبله دول ولد عمك وهبه انتي ماخبراش كنتي لسه ماتولدتيش اصلك صغيره

فاخذتها علي جنب

كان عمك طفش مع مرات عمك وهملو الكفر وماحدش علم بيهم لكن ولدهم الكبير جه امبارح اتخانق معانا وعاوز ورثه وهيعيشو معانا اهنه

سمرا:وينه عمي ده

جميله:مات اني كمان ماوعاش عليه طفش وكان يوسف لسه بيرضع بس كان بوي وعمي همام بسمعهم دايما يجيبو سيرته وحكولي اني ويوسف عنه لكن انتي صغيره ماحدش عرفك وامبارح.كتي ف درسك ماحضرتيش الخناقه ولسه سيادتك جايه مشرفه من الدرس اتاخرتي اكده ليه

سمرا :هاااا ولا تاخير ولا حاجه كان في مساله معصلجه مع الاستاذ علي ماشرحها

جميله:لا والله معصلجه مع الاستاذ طب سلمي يافالحه

سمرا :ازيك ياخاله

ازيك يابت عمي

كيفك يابن عمي

الجميع :الحمد لله

سمرا:اني طالعه بقي اشوف المساله المعصلجه دي

جميله :ماشي ياسمرا مش مرتحالك

وجرت سمرا لاعلي

لتخرج الموبيل

الو ايوه يامحمود اسكت حاجه ولا ف الاحلام

تصدق عندي 3 ولاد عم جداد وادين وبت

محمود:ودول طلعولك منين عاد

سمرا:والله مابعرف

جميله بت عمي لقيتها بتحكيلي قصه ولا ف الاحلام ان ليا عم وطفش مع مراته ورجع عياله يطالبو بالورث

محمود:طب ماتيجي نطفشو احنا كمان

سمرا؛ ليه يعني دا اني لسه ف اولي ثانوي وعاوزه اخش كليه كده حلوه عشان جميله ماتتمسخرش عليا وتقول انها ضاكتوره عاوزه ابجي اني كمان ضاكتوره واني اجل منها ف ايه

محمود :ماشي ياست الضاكتوره

وابوكي هيوافق بيا لما تبقي ضاكتوره واني معهد فني

دا اني حامل الهم لما اتقدملك ويقولو عليا مش اد المقام

سمرا:بس اني رايداك وابوي مابيرفضليش طلب

محمود :بس ده جواز مش اي طلب

سمرا :بس بقي ماتجفلهاش

اقفل بقي صوت حد بره

وطلعت في ايه

جميله:بوري الخاله صابحه وراويه اوضتهم واحمد اوضته ويبقي ياخد اخوه معاه

سمرا :واااه هم هيقعدو اهنه

جميله:واااه ماجلتلك ليهم زي مالينا حقهم عنكلو عليهم ولا ايه

سمرا:خلاص خلاص واني مالي

جميله:وانتي بتكلمي مين عاد

سمرا:اني مابكلمش حد

جميله:امال ماسكه الموبيل ليه

سمرا:وااه مسكاه وخلاص ودخلت وقفلت

واخذت جميله راويه وامها لحجرتهم

يارب تعجبكو

صابحه :وااه دي تعجب الباشا كل حاجه من يدك جميله يابنتي

جميله:تسلمي ياخاله واحست صابحه بالدموع في عيني جميله

صابحه :مالك يابنيتي

فمسحت جميله عينيها الزرقاوتان قبل ان يري دموعها احد

لا ولا حاجه ياخاله اسيبكو تريحو

راويه فامسكت جميله واخذتها في حضنها

متشكره ياخيتي

جميله :علي ايه ده حقكو

وخرجت

لتحدث صابحه ابنتها ان تاخذ بالها من ابنه عمها فبداخلها حزن كبير لفقد امها

راويه :اني فعلا اول مره احس ان ليا اخت

صابحه :ربنا يخليكو لبعض ولا يفرق بينكو ابدا

لهيب الانتقام

الحلقه 9

اخذ همام هاشم المكتب محاوله منه في اقناعه بزواجه من جميله وزواج يوسف من راويه

وعندما فاتحه ف الامر هب هاشم واقفا

كيف اتزوج البت جليله الربايه دي

همام :لاه ماتعيبش ف جميله عاد دي بنته زينه والف من يتمناها ودي دكتوره وجميله صوح وبيجيلها دكاتره ومهندسين واكابر وهي الي بترفض وانت محامي يعني لولا انك.ولد عمها واولي بيها ماكنت جلتلك بس جحا اولي بلحم توره

واني بعمل كل ده عشانك وعشان اخواتك انت ماتعرفش نوح زين ده ممكن يتاويك ولا حد هيعرفلك اثر

لكن لما تبقي جوز بنته هتبقي زي ولده وهتاخد ورثك وحجك تالت ومتلت وفوجهم ورث جميله لان كلاته لاحفاده

لكن لو انعزلت هو ماهيخرجش الورث برات العيله اني بعمل لمصلحتك لو جرالك حاجه لاقدر الله خواتك هيضيعو

اني ماليش صالح ف كل ده

اني ماعوزش خلاف بناتنا ونف*ج الخلق علينا ولا نصفي ف بعض

هاشم:بس حتي لو وافقت اني مش ممكن اجوز اختي للصايع ده اللي اسمه يوسف

همام:يوسف محاسب زين وملو هدومه وبنات البلد كلياتها تتمناه

بن عمها مهما حصل هيخاف علي بت عمه اكتر من الغريب هو يمكن طايش حبتين بس شباب ومسيره يعقل ده لساته27 سنه وانت 26 واختك 22 وجميله23يعني لساتكو صغار لما هيتجوز هيتحمل المسؤليه ويبقي زين

هاشم:اني ماخابرش اجولك.ايه ياعمي

همام:اني بقولك الصوح عاد وبنورلك طريقك قبل ماتتوه وتخش ف متاهه ويكون ف علمك حته الورث ممكن عمك يماطل وتدوخ ف المحاكم واستئناف ونقض وموت ياحمار علي مايجيك العليق

لكن لما تبقي جوز بنته واختك مرات ابنه كل شيء هيبقي بالتراضي فكر زين ياولدي ف اللي جلته قبل ماترد

ودلوقيت اطلع ريح.من السفر

وخرج من عنده هاشم وهو يفكر ولا يري امامه ليصطدم بجميله

جميله:واااه مش تفتح البعيد اعمي اياك

فجذبها من يدها بقوه انتي تحترمي نفسك زين وياي لحسن اللي جاي هيبقي سواد علي دماغك

جميله:لا والله خفت اني اكده

وانت مين اصلا

داانت حياالله ولد عمي

هاشم:لاهو انتي ماتعرفيش اني هبقي مين

ولا بلاش خليكي تتصدمي اكده يمكن تروحي فيها واخلص منيكي بالمره

بس الله يباركلك ابقي ناديني عاوز اشوف الريأكش ده اموت واشوفه عليكي

جميله:واااه انجنيت ولا ايه

ايه المخبول ده عاد

هاشم؛ ماهردش عليكي

كفياكي الصدمه عاد ده تكفيني اليوم

جميله:صدمه ايه عاد

ماتتحدت زين وياي

اما بلاوي وبتتحدف عليا والله

فامسكها مره اخري

جلت احترمي نفسك عشان صبري بدا ينفد وياكي

جميله:هااا يعني هتعمل ايه

هاشم:معرفاش هعمل ايه وهم برفع يده لتخرج راويه فيخفض يده

ويهمس لها باذنها انقذتك مني عاد بس مسير الحي يتلاجي فابتعدت عنه

وجرت لاسفل

راويه:في ايه ياخوي

دي جميله بت زينه ليه بتتعامل معاها اكده لو زعلتها اكنك بتزعلني

هاشم:دي بت قليله الربايه مابتحترمش حد واصل

راويه:بالع** دي بت غلبانه ويتيمه الام دي هي الوحيده اللي رحبت بينا اهنه وعاملتنا زين

هاشم:هي عينتك محاميه ليها ولا ايه

همي وريني امك فين

راويه:اهي وياي

وانت اوضتك مع احمد

ودخل لامه

كنت عاوزكو ف موضوع مهم

وبدا في قص ماقاله عمه

صابحه :اسمع كلام عمك ياولدي جميله بنته زينه ماهتلاجيش زييها واصل

وكمان منعا للمشاكل ياولدي ماناجصينش الله يرضي عليك

راويه:واني مالياش راي عاد كيف اتجوز يوسف ده

دا لايمكن ابدا

صابحه :انتي بتعلي صوتك علينا يابت

من ميتي عاوزاهم يقتلو اخوكي عشان خاطرك

راويه :بعد الشر عليه ياماي بس مش اكده الا يوسف ده ماشوفتيش بيبصلنا ازاي

كيف اتزوجه

هاشم :ماتنسيش انه ولد عمك مهما كان وحتي لو ماكانش جوزك ووجعتي ف ورطه هتلاجيه جمبيكي

مهما كان طايش

يعني اني مع اني مابطقش جميله لكن لو لقيتها ف مصيبه ماهاجفش جمبيها عاد

اكيد هقف معاها

راويه:انت غيره ياخوي

انت فيك طيبه تتوزع ع الكل

لكن هو الشر بيفط منه

هاشم:كل واحد فيه الخير والشر

بس فيه شره بيتغلب شويه ع الخير وفيه خيره غالب شره بس الاخر الخير اللي بينتصر

صابحه :ماخلاص يابتي عاد ماتغلبيش اخوكي

هاشم:وماتخافيش اني جامبك دايما وماهيقدرش يعملك شيء واخته ف يدي فهيخاف عليها هو كمان

راويه:اني عارفه انه بيحب جميله جوي

وهي كمان بتحبه جوي جوي