ALLYSANDRA'S POV
Dalawang linggo na mula noong nangyari sa Tacloban. Halos gabi-gabi akong binabangungot ng mga pangyayari. Masiyadong presko ang bawat pahina ng mga kaganapan. Maitim na animo'y tintang hindi na matatanggal ng kahit anong pambura. Kahit gaano ko man ipikit ang mga mata ko, palagi kong nakikita ang mukha ni Ynaguinid, ni Maguayen at ang lahat ng halimaw na kaniharap namin. Nakaukit na yata sa utak ko ang mga katauhan nila at kahit kailan ay hindi ko na sila matatanggal pa.
Alas tres ng umaga nang magasing nanaman ako mula sa isang masamang panaginip. Nakita ko si Maguayen na nakatayo sa harapan ng isang napakalaking bilog na parang mesa na may mga markang hindi ko naman maunawaan. Nakita ko ang sarili ko sa harapan niya. Nakaluhod at nakayuko.
Bumangon ako mula sa kam
