Ianah's POV
"Heroyll!" tawag ko kay Heroyll na naglalaro ngayon malapit sa ilog.
Napangiti ako nang lumapit siya saakin. Nakakaintindi talaga ang pusang ito. Hindi ko alam kung dahil ba sa mahika o talagang normal lang sa mga pusa na maintindihan nila ang nag-aalaga sa kanila.
Muli kong pinaglaruan ang mahabang balahibo niya.
Ang lambot.
"Meow~"
Nandito ako ngayon sa tabing ilog na malapit sa bahay ni Water.
Hindi pa naman malalim ang gabi kaya nagpahangin muna ako kasama si Heroyll. Si Water naman ay naiwan sa bahay, nagluto siya. Ayaw naman niya akong patulungin kaya pumunta nalang kami ni Heroyll dito.
"Alam mo Heroyll, masaya ako dahil napunta ako sa mundong ito." kausap ko kay Heroyll habang nakatingin sa ilog.
Alam ko namang hindi niya ako kayang sagutin dahil pusa lang
