Hindi na
"Kaya ba sinisira mo ang buhay mo dahil hindi mo matanggap na nanggaling ka sa ganoong klaseng ama?" Nag-igting ang panga niya. Natuyo na yung luha sa mukha niya dahil narin sa hampas ng hangin sa kanya. Ngayon ko lang siya nakitang umiyak. Na ang taong tingin ng iba ay isang demonyo ay may kahinayaan pala. At yun ay ang Mommy niya. Parang nabigyan ako ng rason na gustuhin siya lalo. May kabutihan sa kanya!
Hindi siya umimik. Ibig sabihin ay may punto ako?
"Nasan na yung Dad mo?" tanong ko.
"He's with us now. Kinamumuhian ko ang lalaking 'yon. Pero para sa kapakanan ni Mommy ay nagtitiis akong makasama siya sa iisang bahay. Masaya si Mommy. Kaya wala akong pakialam kung kami rin ang naging rason kung ba't nasira ang una niyang pamilya. Kung masamang maghangad ng ik
