Tahimik lang ako sa hapag kainan habang si Celia ay walang tigil ang bibig. Panay ang kwento niya kay Ivo ng tungkol sa mga kaklase nila at sa mga activities nila. Tuloy lang ako sa pagkain dahil hindi naman ako pweding sumabat sa usapan nila dahil wala naman akong alam doon.
“Tapos alam mo ba? They said Lyka likes you a lot!”
Napatigil ako sa pagsubo at nakuha ni Celia ang atensyon ko. Who’s that Lyka? Hindi naman na bagong maraming nagkakagusto kay Ivo ngunit interesado ako. Kailangan kong malaman kung posible bang magkagusto si Ivo sa kung sino man iyong Lyka na ‘yon.
“Gusto mo bang ipakilala kita?” Tanong ni Celia nang walang naging reaksiyon si Ivo.
Kumunot ang noo ko sa sinabi niyang iyon. Alam niyang may gusto ako kay Ivo pero harap-harapan niya iyong sinasabi. Sumulyap ako kay
