رواية يقال حب ?

الفصل السابع

..

يقال?حب

(الحلقه٧) معجبه به!!

لا تلوميني ان غضت قلبي عنك

فأنا طلبت الصفح والاقتراب الي قلبك

وانتي امرتي بالهجر والنسيان علي قلبي

تنحنح شريف بثقه قائلا...

-متقلقش ياعمي انا هسيبها تعمل كل الي كانت بتعمله عادي هتكمل باليه وهتدرس للاخر مش همنعها عن حريتها

وكأن رأفت لم يجد حجه لأعتراضه

والقي نظره الي عمر الجالس يتابع

بهدوء شديد ليقول رأفت...

-ايه رئيك ياعمر

نظر عمر الي شريف ليقول بنبره جافه من المرح او الود....

-لين لسه ناقصلها سنتين كليه..هتتجوزها بعد سنتين تكون خلصت جامعتها

لم يحب شريف طريقة تعامل عمر معه

ليقول بأبتسامه متجاهلا طريقته...

-مفيش مشكله ياعمر انا موافق

نظر رأفت الي عمر بقليل من الشفقه

ربما عمر يجيد اخفاء شعوره علي من حوله ولكن لا يجيد اخفائها علي والده الثاني

خرجت لين بعد ثوان ترتدي فستان بلون الزمرد يصل الي ركبتيها مع خصلاتها المنسابه علي ظهرها وكحل يبرز بنيتيها

وملمع شفاه وردي

عيناه الزمرديه تعلقت بها وهي تجلس جانب شريف ويلبسها ذاك الخاتم الالماس

وينظرون الي بعضهم بأبتسامه

اشاح بوجهه بعيدا عنها حيث تقف سلمي التي تطلع الي بحزن وعليا التي تطلع اليه بأبتسامه خجله لم يفهمها

تحدث شريف قائلا....

-كدا ياعمي الخطوبه بعد يومين

تنحنح رأفت ليقول ...

-واهلك يابني مش هايجو

عبست ملامحه بينما لين امسكت يده بقوه كأنها تواسيه ليقول شريف في جديه...

-قالو هينزلو علي الفرح...لان شغلهم كتير هناك بس متقلقش ممكن يجو مصر قبل الفرح كمان

ابتسم رأفت بأيجاب

بينما عليا همست لسلمي...

-سلمي

همهمت سلمي وهو تنظر لاخاها..

لتقول عليا...

-هو عمر اخوكي مكشر ديما كدا

رفعت سلمي حاجبيها لتقول...

-ايه حكايتك بقالك يومين عماله تسألي

هو في ايه

تنحنحت عليا برتباك وهي تدخل خصله سوداء خرجت من الحجاب...

-اممم مفيش بسأل بس

ابتسمت سلمي بهدوء قائله...

-بعد قراية الفاتحه دي لينا قاعده ياعليا

اشاحت عليا وجهها جانب برتباك بينما سلمي شقت وجهها ابتسامه امل

انتهت السهره ليغادر شريف بعد ان طبع قبله مطوله علي يد لين هامسا بكلمات غزل ....واحتماع الثلاث فتيات في غرفة لين

لتتن*د سلمي بعمق قائله...

-الف مب**ك يالين

اجابت لين بأبتسامه..

-الله يبارك فيكي يالوما

ثوان وشعرت لين بقرصه في ركبتها لتتاؤه بوجع بينما سلمي وعليا يضحكون

لتقول لين بوجع...

-ليه كدا ياعليا My legs hurt me

ضحكت عليا بمرح لتقول...

-مش بيقولو اقرصيها في ركبتها تحصليها في يومتها تقريبا

ضحكت سلمي بقوه وصفعت رأس عليا لتقول...

-يومتها ايه اسمها جمعتها

تأوهت عليا قائلا...

whateverياسلمي

تنحنحت سلمي لتتحدث بينما لين مشغوله بأزاله طلاء اظافرها بقطنه صغيره وعليا شارده

سلمي وهي تنظر لعليا بخبث قائله

-انتي معجبه بعمر اخويا ياعليا

رفعت كلا من عليا ولين رأسيهما لسلمي

عليا منصدمه من معرفة سلمي بينما لين منصدمه من الكلمه

عبثت عليا بطرف حجابها بتوتر وانزلت رأسها..لترفع سلمي ذقن عليا بأناملها قائله...

-يابت احنا صحاب هتخبي عليا

توردت وجنتي عليا لتقول...

-بصراحه اه اخوكي عمر راجل بجد ناضج وواعي وشخصيته حلوه

كانت سلمي تضع يدها علي خدها وتتابعها بنظره خبيثه بينما لين تنظر لها بصدمه جاليه

بينما سلمي امسكت وجنتي عليا قائله..

-يابختك ياعمر عرفت تخلي الشيخه عليا تحبك

عبست ملامح عليا لتقول..

-مش عشان لبست الحجاب ابقا شيخه

وبعدين مالها الشيخه حلوه عقبالكم

مسدت سلمي علي خصلاتها لتقول...

-عمر كان مكلمني من سنه وكان عايزني البسه بس انا قولتله عايزه البسع اقتناع

لتغمز بعيناها وتقول...

-بالمناسبه عمر بيحب المحجبات بردو

توردت وجنتي عليا بينما رفعت لين يدها بتلقائيه علي خصلاتها البنيه

لتنظر لها عليا قائله...

-انتي ساكته ليه يالين

تنحنحت عليا بصوت مبحوح...

-ولا حاجه بسمعكم

تفرست سلمي في ملامح لين الشاحبه

لتقول سلمي بنبره ذات مغزي...

-ايع رئيك في عمر يالين

توترت لين وهي تسترجع اعترافه وقبلاته لها ونظراته التي تربكها

لتقول بصدق وهي شارده....

-عمر حنين اوي وكويس وفعلا زي ما قالت عليا هوMature ومحظوظه الي هيحبها

ابتسمت سلمي بسخريه قائله...

-بجد انتي شايفه كدا

اشاحت لين وجهها بعيد لتتسائل في نفسها هل تعلم سلمي بحب عمر

قاطع صوت عليا **تهم وهي تنظر الي ساعتها....

-همشي بقا يابنات الوقت اتأخر جدا

سلمي وهي تقف هي الاخري وتهندم خصلاتها السوداء...

-معاكي عربيتك

-لا اخويا جاي ياخدني متقلقيش

-طيب اتصلي بيه خليه ميجيش واحنا هنوصلك لحد البيت

انهت كلماتها وهي تغمز لتصفعها عليا قائله...

-مبترحميش الي بيوقع تحت ايدك انتي

سمعو طرقات علي الباب لتتجه سلمي وتفتحه لتجد رأفت بتطلع بها بأبتسامه...

-يلا عشان اخوكي عايز يحضر نفسه للسفر

-حاضر ياعمي يلا ياعليا

خرجت عليا وقبل ان تخرج سلمي

ربت رأفت علي وجنتها ليدلف الي لين القابعه في الفراش تطلع في الفراغ

جلس جانبها ليقول بحنو وهو يداعب خصلاتها....

-مالك يالين

نظرت له لتتن*د وترتمي في احضانه

ليحاوطها هو قائلا...

-شكلك مش فرحانه ليه...مش دا الي فضلتي تزني عليا عشانه

تن*دت لين لتقول بشرود...

-مفيش يابابي انا فرحانه اهو

تن*د والدها ليقول...

-طالما اخترتي تكملي في طريق معين متفضليش تبصي وراكي يالين

لانك كدا مش هتقعي ولا هتكملي في الطريق دا ولا هتعرفي ترجعي للطريق التاني لان هيبقا غيرك بيمشي فيه

ابتعدت عن احضانه لتقول...

-مش فاهمه كلامك

ابتسم بحنو وربت علي رأسها....

-بكره تفهمي ياحببتي بس ياريت ميكونش الوقت فات

ابتسمت لوالدها لتقول بمرح....

-السيد اللواء مش هيروح شغله بقا بدل ماهو قاعد في البيت بقاله كتير

تن*دت وقبل رأسها قائلا..

-السيد اللواء هيرجع الشغل من بكره

كاد ان يقف ليخرج ولكنها تمسكت به قائله وهي تلقي رأسها في احضانه...

-بابي نام جنبي انهارده زي ما كنت بتعمل انتا ومامي معايا زمان

ابتسم في حنو واشتياق ليخلع حذاءه ويتسطح جوارها محتضنا اياها قائلا...

-تعرفي انا اتجوزت ليلي ازاي يالين

همعمت بنفي ليتن*د وهو يداعب خصلاتها قائلا بشتياق...

-كنا جيران....انا كنت اكبر منها بسنتين

وعيلتنا احنا الاتنين كانو صحاب

كنا في مدرسه واحده وبعدها دخلت هي فنون مسرحيه وانا دخلت شرطه

ورغم اختلاف ميولنا بس الي جمعنا حاجه واحده اننا بنحب بعض

ورغم اني مش اكبر منها بكتير

بس ربيتها علي ايدي..كنت انا الي بعلمها كل حاجه...واول مره في اي حاجه كانت معايا انا

واتجوزنا وخلفناكي وبردو كنت بحبها وبتحبني...كنت بتشغل عنها وبتزعل

بس لما بطبطب عليا بتبتسم

كبرت قدام عيني وحبي ليها كان بيكبر

همست لين بشرود....

-زيي انا وعمر

رفع وجهها له ليقول بجديه...

-وليه مش زيك انتي وشريف اشمعنا عمر

ارتبكت ودفنت وجهها في ص*ره لتقول بختناق...

-معرفش دا الي جه في بالي

ربت علي ظهرها بجديه قائلا...

-المفروض من انهارده ميجيش علي بالك غير شريف يالين بلاش تكوني بقلبين

انهي كلماته وخرج من غرفتها

لتختلي بنفسها وتفكر في كلمات والدها

وهي تهمس لنفسها انها تحب شريف

شريف فقط..

................................

صباح يوم جديد

استيقظ عمر باكرا وقد اشتاق الي البحريه بشده...فهو لا يجد نفسه سوا في عرض البحر....يري البحر صادق وليس غدار كما يقولون

يراه يتصرف بطبع امواجه

ان اغمت السماء عليه يثور بغضب

وان داعبته الشمس تصبح امواجه هادئه

وتتحرك بغنج وراء بعضها...وعندما يذكر اسم البحر امامه يشرد في لين لأنهما مرتبطان وبقوه

افاق من شروده وشقيقته تدلف الي غرفته وتربت علي فخذه قائله...

-هتمشي امتا ياموري

ابنسم لها وهو يرتدي ساعته...

-ماشي كمان ساعه

تمعنت النظر في وجهه لتقول...

-عمر لو في بنت معجبه بيك ممكن تفتحلها قلبك!

تن*د ونظر لها قائلا...

-لا ياسلمي لاني مش هنسي واحده بواحده تانيه.. دا اسمه استغلال مشاعر

وبلاش تديها امل ياسلمي

-يعني انتا عارف ان عليا معجبه بيك

طب ليه متفتحلهاش قلبك يمكن تحبها اكتر من لين وتلاقي نفسك كنت متعلق بلين بس وو

قاطعها قائلا بحده...

-انا مش عيل ياسلمي عشان تقولي كدا

واعرف افرق بين الحب والتعود ...وهرجع واقولك مش انا الي انسي لين بعليا واظلمها ياسلمي

امسكت كفه بين يديها لتقول اسفه...

-مقصدش ياعمر قصدي

وعموما فكر في كلامي ولما تنزل الاجازه التانيه قولي رئيك...عليا خطت مرحلة الاعجاب وشكلها هتحبك فكر كويس

جذبها في احضانه ليقول مبتسما...

-رغم اني اكبر منك بعشر سنين بس بحس انك انتي الي امي واختي الكبيره

بادلته سلمي عناقه لتقول بحنو....

-طول عمرك انتا ابويا واخويا وصحبي

مفيهاش حاجه لما اكون امك

ربت علي رأسها ليبتعد عنها ويجذب حقيبته الصغيره ويخرج من الغرفه برفقتها

سمعت سلمي طرقات علي الباب لتتجه وتفتحه لتري عليا واقفه امامها وعيونها تمسح المكان بلهفه لتنظر لعمر وتقول بلهفه حاولت اخفائها....

-ازيك ياعمر

نظرت سلمي لعمر نظره ذات مغزي كأنها تقول له...هل صدقت الان انها تحبك...

ليتن*د عمر مغمضا عينيه ويفتحها بأرهاق ليقول بهدوء..

-اهلا ياانسه عليا

.....................................

يقال?حب