Binawi ni Helena ang kanyang kamay mula sa pagkakahawak ni Harley. Hindi niya alam kung saan niya nahugot ang lakas para gawin iyon, lalo na't kinakabahan siya at nanghihina sa harap niya. Wala siyang karapatang gawin iyon! Dahil hinding-hindi niya kailanman maiintindihan kung ano ang pumipigil kay Harley na maging totoo sa kanya. Ayaw niyang isipin na dahil iyon sa estado ng kanyang buhay, pero iyon lang ang tangi niyang nahihinuha.
Hindi na siya sinundan ni Harley nang umalis siya. Siguro ay napagtanto rin niya ang pagkakamali ng mga sinabi niya kay Helena.
Pagdating ni Bea, agad silang umalis doon.
Lumipas ang ilang araw, at nagpapasalamat si Helena dahil madalas siyang itext ni Shaun. Nakakatulong ito para makalimutan niya ang pangyayari. Mas lalo lang siyang naiirita kay Harley dah
