The Billionaire's Club 1: Ethan Blake

Si Liz na mas kilala sa pangalang Kazandra Lizzeth Buenavizta ay ang anak ng mag-asawang Julio at Soccoro Buenavizta. Siya ay namulat sa magandang buhay. Ngunit biglang nabago ang kanyang buhay nang mamatay ang kanyang mga magulang sa isang aksidente. Ang inakala niyang yamang mamana ay matagal na palang naglaho, at nalaman din niya na lugmok na pala sa hirap ang kanyang pamilya dahil nalulong sa sugal ang kanyang mga magulang at nalaman niya na maraming tao ang napurwisyo ng kanyang mga magulang. Nang lisanin niya ang kanilang magandang tahanan ay ibinaon na rin niya ang kanyang pagkatao bilang isang Buenavizta. Siya ay nagpakilala sa mga tao bilang si Liza Mondragon, dahil laman ng mga balita ang kanyang mga magulang bilang mga scammer. At upang makaiwas sa publiko ay nagdesisyon siyang gamitin ang pangalan ng kanyang nawawalang pinsan. Si Ethan Blake ay half-filipino - half-american, ipinanganak siya sa Subic Zambales. Ang kanyang ama na si George Blake ay isang U.S. Military na naka-base rito sa Pilipinas. At ang kanyang ina na si Minerva Salvador – Blake ay dating hostess sa Subic Zambales. Apat na taon pa lang si Ethan nang umalis sa Pilipinas ang kanyang ama pabalik ng America. At simula nang umalis ang kanyang ama ay hindi na ito bumalik pa ng Pilipinas. Ang ina ni Ethan ay walang ibang alam na trabaho kung ‘di ang pag-ho-hostess kaya nang hindi na nagpakita ang kanyang ama ay bumalik sa dating trabaho ang kanyang ina. Hanggang sa mapadpad sila sa Tondo Manila, dahil sa katatakas ng kanyang ina sa may-ari ng kanilang mga inuupahan na apartment dahil hindi makabayad. Dahil sa buhay na kinamulatan ni Ethan, siya ay lumaking barumbado at laging laman ng presinto dahil palagi siyang nasasangkot sa gulo. Hanggang sa makilala niya ang matandang biyuda na si Doña Esmeralda Natividad, ang babaeng humango sa kanya mula sa hirap. Ang babaeng nagbihis kay Ethan at nagturo upang maging edukadong tao. Nang dahil sa sakit na naramdaman ni Ethan ay sinumpa niya sa sarili na hihigitan niya ang marangyang buhay mayroon ang babae at ito naman ang maghahabol sa kanyang pagmamahal.